وفاقی وزیر داخلہ چوہدری نثار علی خان دی برطانیہ دے سابق وزیراعظم ڈیوڈ کیمرون نال ملاقات،

لندن ۔ 16 نومبر (اے پی پی) وفاقی وزیر داخلہ چوہدری نثار علی خان ‘ برطانیہ دے سابق وزیراعظم ڈیوڈ کیمرون نال لندن اچ ملاقات کیتی۔ ملاقات وچال ڈوہاں رہنمائواں اچ پاک۔برطانیہ ڈو پاسہ تعلقات،خطہ دی صورتحال سمیت آپسی دلچسپی دے معاملیاں تے گالھ مہاڑ کیتی گئی۔ایں موقع تے چوہدری نثار علی خان ڈیوڈ کیمرون دے تریخی بیان پاکستان دے دوست برطانیہ دے دوست اتے پاکستان دے دشمن برطانیہ دے دشمن دا حوالہ ڈیندیں ہوئیں آکھیا جو پاکستان دی عوام ڈیوڈ کیمرون دا بہوں احترام کریندن ۔انہاں آپنڑے دورے اچ پاک برطانیہ تعلقات کوں نویں اچائیاں تیئیں پجاونڑ سانگے بھرپور کردار ادا کیتے۔وزیر داخلہ آکھیا جو ڈیوڈ کیمرون کوں آکھیا جو پاکستان اچ جمہوریت،اداریاں خصوصی طور پاکستان دی عوام سانگے انہاں دے تعاون ہک سچے دوست ملک دے طور یاد رکھی ویسی۔سابق وزیر اعظم برطانیہ خطہ اتے خصوصی طور افغانستان اچ استحکام سانگے پاکستان دی کوششاں کوں سراہیا۔انہاں پاکستان دی عوام اتے حکومت سانگے مستقبل اچ نیک تمنائواں دا اظہار کیتا۔

مضمون کا ماخذ : شریر چڑیل

متعلقہ مضامین