عالمی برادری بھارت دی طرفوں فضائی حدود دی خلاف دا نوٹس گھنے ،وزیر خارجہ مخدوم شاہ محمود قریشی

اسلام آباد۔11مارچ (اے پی پی):وزیر خارجہ مخدوم شاہ محمود قریشی آکھیے جو عالمی برادری بھارت دی طرفوں فضائی حدود دی خلاف دا نوٹس گھنے ،ہندوستان کوں ایں حرکت تے جواب ݙیوݨا پوسی ، نئی دہلی دی وضاحت دے بعد اڳلے لائحہ عمل دا فیصلہ کریسوں ۔جمعہ کوں پاکستان دی فضائی حدود دی خلاف ورزی دے حوالے نال ھک بیان اچ وزیر خارجہ آکھیے جو اے ݙوجھی واری ساݙی فضائی حدود دی خلاف ورزی تھئی اے ۔ایں توں پہلے ماضی اچ وی 26 فروری کوں بھارت جارحیت کیتی ہئی تے پاکستان اینکوں مناسب اتے وختی جواب ݙتا وزیر خارجہ آکھیے جو اساں ایں حرکت کوں بھارت دی تکنیکی ناکامی آکھوں ، جارحیت آکھوں یا بدنیتی آکھوں ۔پاکستان 2019 اچ وی مدبرانہ ردعمل ݙتا۔انہاں آکھیے جو ہندوستان دی حرکت تشویشناک اے، بین الاقوامی برادری کوں ایں حرکت دا نوٹس گھنݨا چاہیدے ۔انہاں ایں حرکت توں نشوم جاناں کوں خطرے اچ پاتے ایوی ایشن اتھارٹیز کوں ایندا نوٹس گھنݨا چاہیدے ۔

مضمون کا ماخذ : سامرائی کی خوش قسمتی۔

متعلقہ مضامین