عوام قومي معيشت تباهه ڪندڙ ڏوهارين کي سڃاڻي ٿي: مريم اورنگزيب

اسلام آباد – 03 – مارچ (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته عوام قومي معيشت تباهه ڪندڙ ڏوهارين کي سڃاڻي ٿي، معاشي تباهي جا ذميوار عمران ۽ عمران دار آهن. پنهنجي ٽوئيٽ ۾ هن پي ٽي آءِ حڪومت جي چار سالن ۾ ملڪي معيشت جي تباهي بابت انگ اکر شيئر ڪيا. سرڪاري انگن اکرن موجب 2013ع کان 2018ع تائين پاڪستان مسلم ليگ (ن) جي حڪومت جي دور ۾ فيڊرل بورڊ آف روينيو 3843.8 ارب رپين جون اوڳاڙيون گڏ ڪيون جڏهن ته پاڪستان تحريڪ انصاف جي دور ۾ 2018ع کان 2022ع تائين 3828.5 ارب رپين جون اوڳاڙيون گڏ ٿيون. مسلم ليگ (ن) جي حڪومت جي دور ۾ مالياتي خسارو 4.1 سيڪڙو هو جيڪو پي ٽي آءِ جي چار سالن ۾ وڌي 7.9 سيڪڙو تائين پهچي ويو. اهڙي طرح پاڪستان مسلم ليگ (ن) جي دور ۾ پاڪستان جي جي ڊي پي جو ڪاٿو 356.8 ارب ڊالر هو جيڪو پي ٽي آءِ جي چار سالا دور ۾ گهٽ ٿي 300.8 ارب ڊالر رهجي ويو.

مضمون کا ماخذ : بولو دا میگا سینا

متعلقہ مضامین