پاکستان اچ گرین انویسٹمنٹ پہلی ترجیح اے ، حکومت فوسل فیول دے استعمال دی بجائے شمسی توانائی کوں ودھاوݨ کیتے کم کریندی پی اے، وفاقی وزیر احسن اقبال

شرم الشیخ ۔17نومبر (اے پی پی) وفاقی وزیر منصوبہ بندی تے ترقی پروفیسر احسن اقبال آکھیا جو پاکستان اچ گرین انویسٹمنٹ پہلی ترجیح اے ، حکومت فوسل فیول دے استعمال دی بجائے شمسی توانائی کوں ودھاوݨ کیتے کم کریندی پی اے۔ حکومت پاکستان ݙاہ ہزار میگاواٹ شمسی توانائی دا منصوبہ شروع کیتے۔ اے ڳالھیں انہاں خمیس کوں فرینڈز آف گریننگ نیشنل انویسٹمنٹ پلان برائے جنوبی افریقہ اتے ترقی پذیر ملکاں بارے پینل مباحثے اچ شرکت کریندیں ہوئیں آکھی۔ وفاقی وزیر آکھیا جو پاکستان اچ 20 پسماندہ ضلعیاں کوں پائیدار ترقی توں اڳوں گھن آوݨ دا منصوبہ شروع کیتا ڳے۔ وفاقی وزیر آکھیا جو عالمی مالیاتی نظام موسمیاتی تبدیلی دے ایجنڈے نال نبڑݨ اچ ناکام اے۔ عالمی سطح تے موسمیاتی تبدیلی نال ہم آہنگ انفراسٹرکچر کیتے فنڈ ٻݨایا ونڄے۔ ترقی یافتہ ملکاں کوں آپݨی ذمہ واری پوری کرݨی پوسی۔ اڄوکی بارشاں اتے چھل پاروں پاکستان اچ ٻہوں تباہی تھی اے اتے 30 ارب ڈالر توں ودھ دا ضیان تھیے اتے سینکڑاں قیمتی جاناں دا ضیان تھیے۔ متاثرین دی آباد کاری دی منصوبہ بندی کر ڳھدی اے۔

مضمون کا ماخذ : لکی لیڈیز چارم

متعلقہ مضامین