ٹرانسپرنسی انٹرنیشنل دی رپورٹ اچ مالی کرپشن دا ذکر کائنی ، ستویں مردم شماری اڄوکے سال دسمبر تئیں مکمل تھی ویسی ، اڳلا الیکشن نویاں حلقہ بندیاں تے تھیسی ، وفاقی وزیر اطلاعات چوہدری فواد حسین دی کابینہ اجلاس توں بعد میڈیا کوں بریفنگ

APP46-250122 ISLAMABAD: January 25 - Federal Minister for Information and Broadcasting Fawad Hussain Chaudhry addressing the press conference at PTV Headquarter. APP photo by Saeed-ul-Mulk

اسلام آباد۔25جنوری (اے پی پی):وفاقی وزیر اطلاعات و نشریات چوہدری فواد حسین آکھیے جو ٹرانسپرنسی انٹرنیشنل دی رپورٹ اچ مالی کرپشن دا ذکر کائنی پاکستان اچ رول آف لا تے کم کرݨ دی لوڑھ اے ، ستویں مردم شماری اڄوکے سال دسمبر تئیں مکمل تھی ویسی مردم شماری کیتے 5ارب روپے دی منظوری ݙتی ڳئی اے ، اڳلا الیکشن نویاں حلقہ بندیاں تے تھیسی، اسحاق ڈار نقلی طریقے نال روپے دی قدر کوں مستحکم رکھیا ، اڄ روپیہ اسٹیٹ بینک دی بہتر پالیسیاں اتے آپݨی اصل قدر تے مستحکم اے، ملک اچ زرمبادلہ دے ذخیرے اچ کوئی کمی کائنی ، اوورسیز پاکستانیاں ولوں بھیجی ڳئی ترسیلات اچ 11.3 فیصد ودھارا تھئے ، ہݨ تئیں 15.8 بلین ڈالر دی غیر ملکی ترسیلات پاکستان آئن، ساڈھے ترائے ہزار ارب روپے اوورسیز پاکستانیز بھجوا چکن ، کابینہ کریمنل لا ترامیم دی منظوری ݙتی اے جیں دے تحت ہر فوجداری کیس دا فیصلہ 9 مہینے اچ کرݨ لازمی ہوسی ، 9 مہینے اچ فیصلہ نہ کرݨ تے مجسٹریٹ یا جج التوا دی وجہ توں آگاہ کریسی ، پولیس کوں ضمانت دا اختیار ݙتا ویندا پئے ، کریمنل مقدمیں اچ پلی بارگین کوں شامل کریندے پیوں ، ایس ایچ او دی تعلیمی قابلیت گھٹ توں گھٹ بی اے لازمی ہوسی، پراسیکیوشن دے دائرہ اختیار کوں وی ودھایا ویندا پئے ۔وفاقی کابینہ کوں اومی کرون دی موجودہ لہر دے حوالے نال بریفنگ ݙتی ڳئی اے ، اومی کرون دے کیسز ا?? کئی گنا ودھارا تھئے تاں جو ہاسپٹلائزیشن ریٹ گھٹ اے، ساݙے ہیلتھ سسٹم تے کوئی دبائو کائنی ، وباء دے دوران سارے کاروبار کھلے رکھیے ویسن ، ساریاں سرگرمیاں جاری رہیسن ۔ منگل کوں وفاقی کابینہ دے اجلاس دے بعد میڈیا کوں بریفنگ ݙیندے ہوئیں وفاقی وزیر اطلاعات آکھیے جو معاون خصوصی ڈاکٹر فیصل سلطان کابینہ کوں ملک اچ اومی کرون دے کھنڈݨ دے حوالے نال تفصیلی بریفنگ ݙتی۔ موجودہ کیسز دی تعداد اچ ودھارا ݙٹھا ڳئے تاں جو ہاسپٹلائزیشن دی شرح گھٹ اے ۔ انہاں آکھیے جو کابینہ ایں عزم دا اعادہ کیتے جو حکومت ایجھے اقدامات کرݨ توں گریز کریسی جیں توں کاروباری اتے معاشی سرگرمیاں کوں ضیان تھیوے ، انہاں آکھیے جو وزیراعظم عمران خان کورونا دے حوالے نال جیڑھی حکمت عملی اختیار کیتی او کامیاب رہی، دنیا دے ٻئے ترقی یافتہ ملک سمارٹ لاک ??ائ??ن دے پاسے آندے پئن، برطانیہ دے وزیراعظم بورس جانسن وی سمارٹ لاک ??ائ??ن دی حکمت عملی اختیار کیتی۔ انہاں آکھیے جݙاں کورونا وباء عروج تے ہئی تان وزیراعظم عمران خان آکھیا جو اساکوں مزدوراں دا س??چݨا ہوسی ، انہاں کوں نہ بھلوں ، عالمی جریدے اکانومسٹ وی ساݙی سمارٹ لاک ??ائ??ن حکمت عملی دی تعریف کیتی اے ،کابینہ ٻاہرلے ملک ونڄݨ آلے پاکستانی مزدوراں دی سہولت کیتے کورونا ٹیسٹ دی فیس گھٹ کرݨ دی تجویز اقتصادی رابطہ کمیٹی اچ پیش کرݨ دی منظوری ݙتی اے ۔ وفاقی وزیر اطلاعات ݙسایا جو ستویں مردم شماری کیتے پنج ارب روپے رکھیے ڳئن ، مردم شماری اڄوکے سال دسمبر اچ مکمل تھیسی ایندے بعد جنوری اچ الیکشن کمیشن نویاں حلقہ بندیاں کرسڳسی ۔ وفاقی وزیر اطلاعات آکھیے جو اڳلا الیکشن نویاں حلقہ بندیاں تے تھیسی ۔