سینٹ انتخابات جتنڑ آلے ہر گن تے ہرنڑ آلے جت گن ،مخالف قوتاں پاکستان مسلم لیگ ن دے ڈوتہائی اکثریت حاصل کرنڑ دے ڈر توں خائف ہن ، وفاقی وزیر داخلہ پروفیسر احسن اقبال

APP07-17 LAHORE: March 17 - Interior Minister Prof. Ahsan Iqbal addressing the inaugural ceremony of NADRA Mobile Registration Cars. APP photo by Tabasam Naveed

لاہور۔17 مارچ(اے پی پی )وفاقی وزیر داخلہ پروفیسر احسن اقبال آکھیے جو اپوزیشن کوں نگران سیٹ اپ سانگے اتفاق کرنڑاں چاہیدے ،دنیا کوں ڈساونڑاں ہوسی پاکستان جمہوری قوتاں دا اختلاف کائنی ،الیکشن وقت تے تھیسن ،سینیٹ انتخابات اچ جتنڑ آلے ہر گن تے ہرنڑ آلے جت گن ۔پاکستان اچ اتنیاں کھیڈاں کھیڈیاں گن لوک انہاں تے اعتبار کرنڑ چھوڑ گن ،پراپیگنڈہ کرنڑ آلیں تے ہنڑ عوام اعتبار نی کریندی پئی ی ۔ پاکستان ہنڑ پہلے آلے پنج سالاں آلا پاکستان کائنی ۔پہلے پاکستان کوں خطر ناک ملک تصور کیتا ویندا پئی ہنڑ معاشی طور تے مضبوط ملک بنڑ گے ۔ایں وقت ضرورت اے جو پاکستان اچ پالیسیاں تے جمہوری عمل دا تسلسل جاری رہے ۔ سی پیک نال موٹر ویز تے ٹیکنالوجی سینٹربنڑ دے پن جیرھا ابھردا ہویا پاکستان اے ۔اے گال انہاں نادرا ہیڈ آفس لاہور اچ نادرا موبائل رجسٹریشن کار سروس دا افتتاح کرنڑ دے بعد خطاب کریندے ہوئیں آکھی ۔ایں موقع تے ڈی جی نادرا پنجاب سید ثقلین بخاری وی موجودہن ۔وفاقی وزیر داخلہ آکھیا 2018 انتخابات دا سال اے ووٹر لسٹ سانگے شناختی کارڈ بنیادی ضرورت اے ۔ نادرا سروسز کوں ملک دے طول عرض اچ کھنڈیندے پیوں تاں جو گھر گھر ونج تے لوکاں کوں شناختی کارڈ بنڑاونڑ دی سہولت ڈتی ونج سگے تے او اپنڑاں ووٹ ڈے سگن ۔انہاں آکھیا ملک اچ جمہوری قوتاں مضبوط ہن عوام جمہوریت تے نگہبان تے مالک ہن ۔پاکستان کوں 21ویں صدی اچ معاشی طور تے کامیاب ترین پہلی 25معیشتاں اچ شامل کریسوں ۔

مضمون کا ماخذ : raspadinha caixa

متعلقہ مضامین