نبی پاک ﷺ پوری دنیا کوں خیر ، سلامتی اتے پر امن بقائے باہمی دا درس ݙتا،سید یوسف رضاگیلانی

APP21-210924 ISLAMABAD: September 21 - Chairman Senate, Syed Yousuf Raza Gilani addressing the closing ceremony of 1st International Rahmatul-lil-Aalameen Wa Khatamun Nabiyyin Conference. APP/IQJ/ABB

اسلام آباد۔21ستمبر(اے پی پی) چیئرمین سینیٹ سید یوسف رضا گیلانی آکھیے جو ساݙے پیارے نبی ﷺ پوری دنیا کوں خیر ، سلامتی تے پر امن بقائے باہمی دا درس ݙتا جیں تے عمل کریندے ہوئیں اساکوں پوری دنیا سانڳے امن دا سفیر بݨݨا ہوسی ۔ اسلام آباداچ انٹرنیشنل رحمت العالمین و خاتم النبیین صلی اللہ علیہ وآلہ وسلم کانفرنس توں خطاب کریندے چیئرمین سینیٹ آکھیے ساݙے نبی پاک ﷺ اساکوں صلہ رحمی، برداشت اتے مساوت دے زیریں اصولاں تے مبنی ایجھا درست ݙتا جیڑھا پوری دنیا سانڳے مکمل ضابطہ حیات اے ۔ اساکوں ھک ݙوجھے کوں برداشت کریندے ہوئیں پرامن بقائے باہمی نال رہݨا چاہیدے تاں جو ساݙا معاشرہ دنیا سانڳے مثالی بݨ سڳے ۔سینیٹ سیکرٹریٹ دے میڈیا ڈائریکٹوریٹ موجب سید یوسف رضا گیلانی آکھیے حضرت محمد ﷺ اساکوں احترام انسانیت، ہم آہنگی اتے بھرپی تے عمل کرتے ݙیکھائے ۔ انھاں صدر مملکت آصف علی زرداری دا دلوں شکریہ ادا کیتے تے انھاں ایں تے وقار تقریب اچ انہاں کوں ترجمانی دا اعزاز بخشیے تے ایں عظیم موضوع تے ڳالھ کرݨ دا موقع ݙتے ۔ چیئرمین سینیٹ آکھیے عالمی امن ،استحکام اتے ہم اہنگی کوں قائم رکھݨ دے ضمن اچ پیش آندے مسئلیں کوں ملحوظ خاطر رکھیندے ہوئیں اے کانفرنس موجودہ ویلھے تے حالات دے عین مطابق اے ۔انہاں آکھیے حضور اکرم ؐ اساکوں ایجھے طرز زندگی دا درس ݙتا جیڑھا عالم انسانیت سانڳے مکمل ضابطہ حیات دی بنیاد فراہم کریندی اے ،آپ ؐ دی تعلیمات محبت اخلاص اتے ہم آہنگی دے اقدارتے مشتمل ہن جیڑھی نہ صرف مسلماناں بلکہ ساری عالم انسانیت سانڳے خیر تے فلاح دی نوید ݙیندن۔ انھاں ایں موقع تے میثاق مدینہ اتے صلح حدیبیہ دا وی خصوصی طور تے ذکر کیتا تے آکھیے جو انھاں تاریخی معاہدیں مسلماناں اتے ٻئے قبائل وچال پر امن بقائے باہمی دا معاشرتی نظام ݙتا۔ انہاں آکھیے میثاق مدینہ سانجھے حقوق ، ذمہ واریاں دے احترام ، امن اتے اتحاد کوں ودھارا ݙتا چیئرمین سینیٹ آکھیے صلح حدیبیہ رسول اللہ صلی اللہ علیہ وسلم دے پرامن مذاکرات دے عزم دی مثال اے اتے ایں دی بدولت اسلام دا پیغام زیادہ موثر طریقے نال اجاگر تھیا ۔ سید یوسف رضا گیلانی آکھیے حضور ؐدے نظریات تعلیمات اتے اصولاں تے عمل کریندے اساں دنیا کوں ہم اہنگی اتے محبت دا گہوارہ بݨا سڳدوں ۔ انھاں ایں اہم کانفرنس کراوݨ تے منتظمین چیئرمین قومی رحمت اللعالمین و خاتم النبیین اتھارٹی، وزارت تعلیم اتے ٻئے متعلقہ اداریں دیاں کوششاں دی تعریف کیتی جنھاں ݙینھ رات محنت کرتے ایں پہلی بین الاقوامی کانفرنس کوں کامیابی نال منعقد کیتے۔ ٻئے مقررین آکھیے پوری بنی نوع انسانیت سانڳے رحم ، امن ، برداشت اتے نرمی دا مظاہرہ کرݨ تے ہی ساݙے نبی پاک صلی اللہ علیہ وآلہ وسلم کوں رحمت العالمین آکھیا ڳیا تریمتاں دی عزت و احترام متعلق حضرت محمد صلی اللہ علیہ وآلہ وسلم دی تعلیمات رہندی دنیا سانڳے مشعل راہ ہن۔ اساکوں بین المذاہب مکالمے کوں ودھارا ݙیوݨ دی لوڑھ اے ۔ بعد اچ مہمان خصوصی کوں سیکرٹری تعلیم دی طرفوں کانفرنس اچ شرکت دے موقع تے یادگاری شیلڈ ݙتی ڳئی ۔ چیئرمین سینیٹ ایں موقع تے سیرت فیسٹیول اچ لاتے ڳئے سٹالاں دا دورہ وی کیتا۔

مضمون کا ماخذ : raspadinha acumulada

متعلقہ مضامین