بھارت دے مسئلہ کشمیر دے حل متعلق اپݨی سوچ تے نظر ثانی تے سازگار ماحول پیدا کرݨ دی صورت اچ پاکستان وی مذاکرات توں پچھوں نہ ہٹسی ،وزیر خارجہ مخدوم شاہ محمود قریشی

اسلام آباد۔19مارچ (اے پی پی):وزیر خارجہ مخدوم شاہ محمود قریشی آکھیے جو جے بھارت مسئلہ کشمیر دے حل متعلق اپݨی سوچ تے نظر ثانی تے سازگار ماحول پیدا کرݨ دی صورت اچ پاکستان وی مذاکرات توں پچھوں نہ ہٹسی،خطے دی صورت حال دے حوالے نال جمعے کوں آپدے اہم بیان اچ وزیر خارجہ آکھیے جو بھارت 5 اگست 2019 کوں، مقبوضہ جموں و کشمیر اچ کجھ ایجھے یکطرفہ اقدامات چاتے جنہاں کوں سارے کشمیریاں یکسر مسترد کیتے۔وزیر اعظم عمران خان منصب سنبھالݨ دے بعد ہی بھارت کوں دعوت ݙتی جو او امن دے پاسے قدم ودھاوے تاں اساں ݙو قدم ودھسوں، مگر افسوس جو بھارت سرکار ایں سوچ دی حامی نہ ہئی – شاہ محمود قریشی آخھیے جو بھارت دا ایہو رویہ جمود دا باعث بݨیا ۔پاکستان اتے بھارت وچال جمود دی فضا کوں ختم کرݨ دی ذمے واری وی بھارت تے لڳدی اے ۔ وزیر خارجہ آکھیے جے بھارت اپݨی سوچ تے نظر ثانی کرݨ تے ایجھا سازگار ماحول پیدا کرݨ کیتے تیار اے جیں اچ مسئلہ کشمیر سودھے مسائل دے پرامن حل کیتے ڳال مہاڑ تھی سڳدی اے تاں پاکستان وی مذاکرات اتے ڈائیلاگ توں پچھوں ہٹسی ۔

مضمون کا ماخذ : loterias da caixa

متعلقہ مضامین