تریمتیں دے ملکیتی قانون تے موثر اتے سخت عملدرآمد دی لوڑھ اے، قانون نال تریمتیں کوں بااختیاراتے معاشی طور تے مضبوط ٻݨاوݨ اچ مدد ملسی، صدر مملکت ڈاکٹر عارف علوی دا تریمتیں دی جائیداد دےحقوق دی قانون سازی دے نفاذ بارے تھیوݨ آلی تقریب توں خطاب

اسلام آباد۔16فروری (اے پی پی) صدر مملکت ڈاکٹر عارف علوی آکھیا جو تریمتیں دے ملکیتی قانون تے موثر اتے سخت عملدرآمد دی لوڑھ اے، قانون نال تریمتیں کوں بااختیاراتے معاشی طور تے مضبوط ٻݨاوݨ اچ مدد ملسی۔ اسلام اتے پاکستان دے آئین تریمتیں کوں انہاں دے حق دے تحفظ دی ضمانت ݙتی اے، علماء کرام اتے ذرائع ابلاغ کوں انہاں دے حقوق ݙواوݨ کیتے معاشرتی اقدار کوں بدلݨ کیتے آپݨا کردار ادا کرن، سیالکوٹ اتے خانیوال دے اڄوکے واقعے ٻہوں تکلیف دہ ہن، علماء کرام مذہبی رواداری قائم رکھݨ بارے آپݨا کردار ادا کرن۔ اے ڳالھیں انہاں بدھ کوں ایوان صدر اچ تریمتیں دی جائیداد دےحقوق دی قانون سازی دے نفاذ بارے تھیوݨ آلی تقریب توں خطاب کریندیں ہوئیں آکھی۔ تقریب دا اہتمام وزارت قانون تے انصاف کیتا ہئی۔ تقریب اچ وفاقی وزیر قانون و انصاف بیرسٹر ڈاکٹر فروغ نسیم، اسلامی نظریاتی کونسل دے چیئرمین ڈاکٹر قبلہ ایاز، پارلیمانی سیکرٹری برائے قانون و انصاف بیرسٹر ملیکہ بخاری اتے سیکرٹری قانون و انصاف دے علاوہ وفاقی اتے صوبائی تریمتیں محتسبین، سفارتکاراں، علماء کرام اتے تریمتیں دی وݙی تعداد شریک تھئی۔

مضمون کا ماخذ : سامرائی کی خوش قسمتی۔

متعلقہ مضامین