ملک دے مختلف حصیاں اچ آندے پنڄ ݙینھ اچ اندھاری اتے ڳاڄ کھمݨ نال مینہ وسݨ دا امکان اے، محکمہ موسمیات

اسلام آباد۔24اپریل (اے پی پی) ملک دے مختلف حصیاں اچ آندے پنڄ ݙینھ اچ اندھاری اتے ڳاڄ کھمݨ نال مینہ وسݨ دا امکان اے۔ زور دے مینہ پاروں نالیاں اچ چھل دی صورتحال ٻݨݨ دے علاوہ پہاڑی علاقیاں اچ لینڈ سلائیڈنگ دا وی ݙر اے۔ نیشنل ڈیزاسٹر مینجمنٹ اتھارٹی متعلقہ اداریاں کوں کہی وی قسم دی ہنگامی صورتھال نال نبڑݨ کیتے الرٹ رہݨ دا آکھیآ ڳئے۔ ترجمان این ڈی ایم اے موجب محکمہ موسمیات پیش گوئی کیتی اے جو 25 توں 29 اپریل وچال ملک دے مختلف حصیاں اچ اندھاری، جھکڑ اتے ڳاڄ کھمݨ نال مینہ وسݨ دا امکان اے۔ 26 توں 27 اپریل وچال بلوچستان نوشکی، پشین، ہرنائی، ژوب، بارکھان، گوادر، کیچ آواران دے مقامی اتے برساتی ندی نالیاں اچ چھل دی صورتحال ٻݨݨ دا خدشہ اے۔ 27 توں 28 اپریل وچال دیر، سوات، چترال، مانسہرہ اتے کوہستان دے مقامی ندی نالیاں اچ زور دے مینہ پاروں چھل دی صورتحال ٻݨ سڳدی اے۔ 27 توں 29 اپریل وچال تیز بارش پاروں بالائی خیبر پختونخوا، مری، گلیات، کشمیر اتے گلگت اچ لینڈ سلائیڈنگ وی تھی سڳدی اے۔

مضمون کا ماخذ : لوٹیریا علاقائی

متعلقہ مضامین