چین اتے پاکستان لازوال رشتے اچ گھنڈیے پئن ،چینی شہریاں کوں مفت ویزہ دی سہولت ݙتی ویسی ، سانجھے منصوبیں دے ذریعے چینی صنعت دی پاکستان منتقلی سودمند ثابت تھیسی ، وزیراعظم شہباز شریف دی چینی وفد نال ڳالھ مہاڑ

اسلام آباد۔1اگست(اے پی پی) وزیراعظم محمد شہباز شریف آکھیے چین تے پاکستان لازوال رشتے اچ گھنڈیے پئن ،چینی شہریاں کوں مفت ویزہ دی سہولت ݙیوݨ دا فیصلہ کیتے جیں تے14 اگست توں عملدرآمد تھیسی ،مختلف شعبیں اچ سانجھے منصوبے ݙوہیں ملکاں دے مفاد اچ ہن ،سانجھے منصوبیں دے ذریعے چینی صنعت دی پاکستان منتقلی سودمند ثابت تھیسی ۔اے ڳالھ انہاں 12 رکنی اعلیٰ سطحی چینی وفد کوں ملاقات اچ آکھی اے جیں وانگ فوکانگ دی قیادت اچ وزیر اعظم نال ملاقات کیتی۔ملاقات اچ نائب وزیراعظم و وزیرِ خارجہ اسحاق ڈار، وفاقی وزراء سید محسن نقوی، احسن اقبال، محمد اورنگزیب، احد خان چیمہ، معاون خصوصی طارق فاطمی، وزیراعظم دے کوآرڈینیٹر رانا احسان افضل دے نال چینی سفیر جیانگ زائیڈونگ تے متعلقہ اعلی حکام شرکت کیتی چینی وفد نال ڳالھ کریندے وزیر اعظم شہباز شریف آکھیے پاکستان اچ تساڈا خیر مقدم کریندے خوشی تھیندی پئی اے ، یقین اے تساݙا دورہ فیدہ مند ثابت تھیسی، چینی قیادت نال ملاقاتاں دے نتیجے اچ اعلیٰ سطح دے وفد پاکستان دا دورہ کریندے پئن ۔ وزیراعظم آکھیے ݙوہیں ملکاں اچ صنعت، زراعت اتے خصوصی اقتصادی زونز اچ تعاون ودھسی، ݙوہیں ملکاں اچ کان کنی، معدنیات اتے آئی ٹی اچ وی تعاون ودھسی ۔ وزیراعظم آکھیے چینی وفد دے دورہ توں سرمایہ کاری ودھسی ، اساں چین دی ترقی دے ماڈل تے آپݨی معیشت ودھاوݨ چاہندوں ۔ ݙوہیں ملکاں وچال صنعتی تعاون ویلھے دا تقاضا اے، سانجھے منصوبیں دے ذریعے چینی صنعت دی پاکستان منتقلی فیدہ مند ثابت تھیسی ، مختلف شعبیں اچ سانجھے منصوبے ݙوہیں ملکاں دے مفاد اچ ہن ۔ وزیراعظم چینی وفد کوں ݙسائے کابینہ دے گزریل اجلاس اچ چینی شہریاں کوں مفت ویزہ ݙیوݨ دا فیصلہ کیتے ایں تے عملدرآمد 14 اگست توں تھیسی ۔ وزیراعظم وفد نال بشام واقعہ تے پاکستان دی حکومت اتے عوام دی طرفوں افسوس کریندے آکھیے واقعے اچ ملوث لوکاں کوں گرفتار کیتا ڳئے انہاں لوکاں کوں قانون دے مطابق قرار واقعی سزا ݙتی ویسی ، پاکستان اچ چینی شہریاں دی فول پروف سکیورٹی سانڳے مؤثر اقدامات چاتے ڳئن ، چین پاکستان دوستی پہاڑاں توں اُچی تے سمندراں توں جھکی ، چین دے تعاون نال پاکستان اپݨا سیٹلائٹ فضا اچ بھیجے، ݙوہیں ملکاں دی یاری لازوال ڳانڈھے اچ ڳنڈھی اے۔ چینی وفد وزیراعظم دے دورہ چین دے بعد چین دے پاکستان اچ مختلف شعبیں اچ تعاون تے سانجھ کیتے پاکستان تے دورے تے ہے ۔12 رکنی چینی وفد اچ 10 مختلف وزارتاں دے نمائندے شریک ہن۔وزیراعظم چینی قیادت صدر شی جن پنگ اتے وزیراعظم لی چیانگ دا خصوصی شکریہ ادا کریندے چینی وفد دا خیر مقدم کیتا۔چینی ماہرین دا اعلیٰ سطحی وفد پاکستان اچ چینی سرمایہ کاری، سی پیک دے ݙوجھے مرحلے دے حوالے نال سانجھ تے تعاون اتے پاکستان دی برآمدات دے ودھارے تے اپݨی صلاح ݙیسی ۔چینی وفد پاکستان اچ مختلف وزارتاں، شعبے دے ماہرین نال ملاقاتاں تے مختلف جہیں دا دورہ کریسی ۔چینی وفد انفارمیشن ٹیکنالوجی، زراعت، صنعت، سرمایہ کاری، توانائی، معدنیات تے کان کنی، اسپیشل اکنامک زونز، اتے مواصلات دے شعبیں اچ تعاون ودھاوݨ تے تجویزاں ݙیسی

مضمون کا ماخذ : como apostar na loteria

متعلقہ مضامین