ڈیتھ سکواڈز اچ بی این پی مینگل اتے سردار اختر مینگل دا کتھائیں ناں نی ڳھدا، نگران وزیر داخلہ سرفراز بگٹی

اسلام آباد۔1نومبر (اے پی پی) نگران وفاقی وزیر داخلہ سرفراز بگٹی آکھیا جو ڈیتھ سکواڈز اچ بی این پی مینگل اتے سردار اختر مینگل دا کتھائیں ناں نی ڳھدا۔ اختر مینگل پچھلے پںج سالیں اچ حکومتاں دا حصہ رہین، انہاں اوں ویلھے لاپتہ بندیاں دا مسئلہ کیوں نی چاتا؟ بدھ کوں سینیٹ اجلاس اچ سینیٹر محمد قاسم دے نکتہ اعتراض دے ولدے اچ انہاں آکھیا جو بی این پی مینگل لاپتہ افراد اتے ڈیتھ سکواڈ دے معاملے تے دھرنا ݙتا۔ قدوس بزنجو دی وزارت اعلیٰ دے دور اچ بلوچستان حکومت دا کوئی وی غیر اعلانیہ حصہ رہیے۔ پی ٹی آئی دے اتحاد ی رہیے، پی ڈی ایم دی حکومت اچ وی شامل رہیے۔ اوں ویلھے جیڑھے فورمز ہن انہاں کوں ایں مسئلے کوں چاوݨ کیتے استعمال کرݨا چاہیدا ہئی۔ انہاں آکھیا جو ڈیتھ سکواڈ اچ بی ایل اے شامل اے جئیں پنج ہزار بے گناہ شہریاں کوں شہید کیتے۔ بلوچستان اچ پنجابیاں، اساتذہ، پروفیسرز اتے ڈاکٹرز کوں شہید کیتا ڳئے۔ اینویں ایبی آر اے، یو بی اے، بی ایل ایف، مجید بریگیڈ ہن، بی ایل اے دی قیادت حربیار مری، یو بی اے دی قیادت اوندا چھوٹا بھرا زمران مری، بی آر اے دی قیادت براہمداغ بگٹی، بی ایل ایف دی قیادت ڈاکٹر اللہ نذر، بی آر اے اچھو گروپ دی قیادت بشیر زیب اتے لشکر بلوچستان دی قیادت جاوید مینگل کریندے پئن۔

مضمون کا ماخذ : بلوچستان لاٹری

متعلقہ مضامین