چین پاکستان اقتصادی راہداری پاکستان دی ترقی اتے عوام دی بہبود اچ اہم کردار ادا کریندا پئے، وزیراعظم شہبازشریف

اسلام آباد۔27جولائی (اے پی پی) وزیراعظم شہبازشریف آکھیا جو چین پاکستان اقتصادی راہداری پاکستان دی ترقی اتے عوام دی بہبود اچ اہم کردار ادا کریندا پئے۔چینی تعاون تے سرمایہ کاری پاروں پاکستان اچ انفراسٹرکچر، پبلک ٹرانسپورٹ دی ترقی اتے بجلی دے بحران تے قابو پاوݨ اچ ٻہوں مدد ملی۔ چینی تعاون نال جاری ترقیاتی منصوبیاں کوں ٻیا تعطل دا شکار کائنا تھیوݨ ݙیسن۔ وزیراعظم آفس دے میڈیاونگ توں جاری بیان موجب اے ڳالھیں انہاں شنگھائی الیکٹرک دے صدر لو پھنگ دی قیادت اچ چینی وفد نال ڳالھ مہاڑ کریندیں ہوئیں آکھی جنہاں بدھ کوں انہاں نال ملاقات کیتی۔ ملاقات اچ سابق وزیرِ اعظم شاہد خاقان عباسی، وفاقی وزیرِ بجلی خرم دستگیر خان، وزیرِ مملکت پیٹرولیم ڈاکٹر مصدق ملک، معاونینِ خصوصی ظفر الدین محمود، ڈاکٹر جہانزیب خان اتے متعلقہ اعلی حکام موجود ہن۔ ایں موقع تے وزیراعظم آکھیا جو چین پاکستان اقتصادی راہداری پاکستان دی ترقی اتے عوام دی بہبود اچ اہم کردار ادا کریندا پئے۔وزیرِ اعظم تھر کول پراجیکٹ دی جلد تکمیل اچ چینی کمپنی شنگھائی الیکٹرک نال تعاون کیتے معاونِ خصوصی ظفر الدین محمود اتے ایڈیشنل سیکٹری ندیم چوہدری کوں نمائندہِ خصوصی دی ذمہ داری سونپ ݙتی۔ شنگھائی الیکٹرک دے صدر وزیرِ اعظم اتے انہاں دی ٹیم دا منصوبے دی تکمیل کیتے تعاون تے شکریہ ادا کیتا۔

مضمون کا ماخذ : راکی

متعلقہ مضامین