اسلام آباد۔21نومبر (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو انتخابات شفاف اتے قابل اعتبار طریقے نال کرائے ویسن۔ اے ڳالھ انہاں منگل کوں سپیکر قومی اسمبلی راجہ پرویز اشرف نال ملاقات اچ ڳالھ مہاڑ کریندیں ہوئیں آکھی۔ ملاقات اچ آندے عام انتخابات سودھے اہم معاملیاں تے ڳالھ کیتی ڳئی۔ نگران وفاقی وزیر اطلاعات آکھیا جو نگران حکومت آزادانہ، منصفانہ اتے شفاف انتخابات کراوݨ کیتے پرعزم اے۔ ایں بارے الیکشن کمیشن کوں سارے ضروری وسائل اتے تعاون ݙیسوں۔