وزیراعلیٰ پنجاب سردار عثمان خان بزدار نال عاصم سلیم باجوہ دی ملاقات

لاہور۔24نومبر(اے پی پی) وزیراعلیٰ پنجاب نال لیفٹیننٹ جنرل ریٹائرڈ عاصم سلیم باجوہ ملاقات کیتی جیندے اچ پنجاب اچ سی پیک پاروں جاری منصوبیاں تے پیشرفت تے الایا ڳئے۔ وزیراعلیٰ پنجاب اتے لیفٹیننٹ جنرل ریٹائرڈ عاصم سلیم باجوہ دی ملاقات اچ لاہور اچ سی پیک ٹاور بݨاوݨ دی تجویز تے اتفاق کیتا ڳئے، سیڈ ڈویلپمنٹ اتے زرعی شعبہ نال متعلقہ ریسرچ کوں فروغ ݙیوݨ کیتے مربوط اقدامات دا فیصلہ کیتا ڳئے۔ عثمان بزدار دا آکھݨ ہا جو سیڈ ڈویلپمنٹ اتے ٻئے زرعی تحقیقاتی مقاصد کیتے 13 ہزار ایکڑ اراضی استعمال کیتی ویسی، سی پیک ٹاور اچ صنعتکاراں اتے سرمایہ کاراں کیتے انفارمیشن ڈیسک بݨائے ویسن، پاکستانی تاجراں اتے صنعتکاراں کوں چینی انڈسٹریز بارے معلومات ہکی چھت ہیٹھ ملسن، چین دے سرمایہ کاراں کوں پنجاب اچ انڈسٹری لاوݨ اچ ہر ممکن مدد کریسوں۔ انہاں آکھیا جو پنجاب اچ بیرونی سرمایہ کاراں کوں تحفظ، سہولتاں اتے رعائت ݙتی ویسی، صنعتی پلاٹاں دی الاٹمنٹ کیتے قواعد و ضوابط اتے ٹرانسپیرنسی کوں سامݨے رکھیا ویسی۔ انہاں ہدایت کیتی جو صنعتی ترقی کیتے رہنما اصولاں تے عملدرآمد یقینی بݨایا ونڄے، صنعتکاراں دے مسائل دے حل کیتے قابل عمل تجاویز پیش کیتیاں ونڄن ، صنعتی ترقی کیتے ریگولیشن کوں تیکھے حتمی شکل ݙتی ونڄے۔

مضمون کا ماخذ : sorteos da loteria

متعلقہ مضامین