اسلام آباد – 19 – سيپٽمبر (اي پي پي) صدر آصف علي زرداري گڏيل خوشحالي ۽ دنيا ۾ امن ۽ استحڪام جي فروغ جي لاءِ چين سان گڏجي ڪم ڪرڻ جي پاڪستان جي عزم جو ورجاءُ ڪيو آهي. صدر اهڙن خيالن جو اظهار مقامي هوٽل ۾ عوامي جمهوريه چين قائم ٿيڻ جي 75 هين سالگرهه جي مناسبت سان چيني سفارتخاني جي اهتمام هيٺ چين جي قومي ڏينهن جي آجياڻي کي خطاب ڪندي ڪيو. تقريب ۾ وزيراعظم محمد شهباز شريف، وفاقي وزيرن، پاڪستان ۾ چين جي سفير، غيرملڪي سفارتڪارن، چيني شهرين، معززين ۽ اعليٰ سول ۽ فوجي آفيسرن شرڪت ڪئي. صدر چين پاڪستان اقتصادي لنگهه (سي پيڪ) جي اهميت کي اجاگر ڪندي چيو ته سي پيڪ پاڪستان ۽ چين جي وچ ۾ گهڻ رخي تعاون جو هڪ نئون رخ متعارف ڪرايو آهي. هن ٻنهي ملڪن جي عوام جي لاءِ وڌ کان وڌ فائدا حاصل ڪرڻ جي لاءِ سي پيڪ جي اعليٰ معيار جي ترقي کي اڳتي وڌائڻ جي اهميت تي زور ڏنو. صدر ان موقعي تي چيني ڀائرن ۽ ڀينرن کي د?? سان مبارڪباد پيش ڪندي چيو ته پهرين آڪٽوبر جو ڏينهن هڪ مضبوط ۽ متحد چ??ن جي ٻيهر جنم جو نشان آهي جيڪو ڪميونسٽ پارٽي جي د??رانديش قيادت ۾ چيني عوام جي د??يراڻي جدوجهد جي ذ??يعي حاصل ڪ??و ويو. صدر آصف علي زرداري ان موقعي تي پاڪ چين دوستي کي هر موسمي اسٽريٽجڪ ڪوآپريٽو پارٽنرشپ ۾ تبديل ڪرڻ جي لاءِ ماضي ۽ حال جي نسلن جي اڻٿڪ تعاون جو ذڪر ڪيو. هن چيو ته پاڪستان ۽ چين جي وچ ۾ اها حصيداري بين الرياستي لاڳاپن جي نموني جي طور تي ڪم ڪري ٿي ۽ اها ٻنهي ملڪن جي لاءِ تحريڪ ۽ طاقت جو ذريعو بڻجي ٿي. هن چيو ته چين پاڪستان جو مضبوط ڀاءُ آهي ۽ پوري قوم کي پائيدار دوستي تي فخر آهي ڇو ته ٻئي ??لڪ آزمائش جي هر گهڙيءَ ۾ هڪ ٻئي سان گڏ بيٺل آهن. صدر اميد ظاهر ڪئي ته چين ايندڙ ڏهاڪن ۾ اهم سنگ ميل حاصل ڪرڻ جي لاءِ تيار آهي جنهن سان نه رڳو ان جي ترقي کي سگهه ملندي پر سياست، معاشيات ۽ ثقافت جي عالمي منظرنامي کي پڻ مثبت انداز ۾ تبديل ڪ??و ويندو.
.jpg)