وزیر اعظم عمران خان دی اہم ترجیحات اچ آبی ذخائر دی تعمیر اتے پن بجلی دے منصوبے شامل ہن،وزیر مملکت اطلاعات و نشریات فرخ حبیب

اسلام آباد۔19مئی (اے پی پی):وزیر مملکت اطلاعات و نشریات فرخ حبیب آکھیے جو وزیر اعظم عمران خان دی اہم ترجیحات اچ آبی ذخائر دی تعمیر اتے پن بجلی دے منصوبے شامل ہن۔ مہمند ڈیم منصوبہ مکمل تھیوݨ ںال 800 میگاواٹ پن بجلی ، 12 لکھ ایکڑ فٹ پاݨی ذخیرہ تھیسی جیں توں 17 ہزار ایکڑ زمین قابل کاشت تھی سڳسی ،ایں منصوبہ تے کم ستمبر 2019اچ شروع تھیا جیڑھا جو نومبر 2025 اچ مکمل تھیسی ۔ ٻدھ کوں وزیراعظم دے دورہ مہمند ڈیم دے حوالے نال اپݨے ٹویٹ اچ وزیر مملکت فرخ حبیب آکیے جو وزیر اعظم عمران خان مہمند ڈیم دا دورہ کیتے اتھاں جاری کم دا جائزہ ڳھدے ۔ فرخ حبیب ݙسایا جو مہمند ڈیم ہائیڈرو پاورپراجیکٹ ، دیامر بھاشا، داسو ہائیڈرو پاور ،کرم تنگی ڈیم ملٹی پرپز ، تربیلا ففتھ توسیعی، برپو ہائیڈرو پاور پراجیکٹ ،سندھ بیراج پراجیکٹ، گریٹر کراچی بلک واٹر سپلائی سکیم (K-4 )، کچھی کینال پراجیکٹ اتے نئی گنجی پراجیکٹ مکمل تھیوݨ نال مجموعی طور تے ھک کروڑ 29 لکھ ایکٹر فٹ پاݨی ذخیرہ ، 9ہزار میگا واٹ پن بجلی دی پیداوار ،91ہزار 917ایکٹر اضافی زمیناں سیراب اتے 35ہزار توں ودھ نویاں نوکریاں دے موقع پیدا تھیسن ۔

مضمون کا ماخذ : جنگل کا بادشاہ

متعلقہ مضامین