انسداد رشوت ستانی دا موثر نظام تشکیل ݙیوݨ کیتے موجودہ قومی، علاقائی اتے عالمی قانون اتے انسانی حقوق دے طریقیں/ اداریں کوں مضبوط بݨاوݨ دی لوڑھ اے ۔حکومت پاکستان اتے اوآئی سی دے زیراہتمام بین الا قوامی سیمینار دا” اسلام آباد اعلامیہ

اسلام آباد۔8جنوری (اے پی پی): انسداد رشوت ستانی دا موثر نظام تشکیل ݙیوݨ کیتے موجودہ قومی، علاقائی اتے عالمی قانون اتے انسانی حقوق دے طریقیں/ اداریں کوں مضبوط بݨاوݨ دی لوڑھ اے،اے ڳال”انسدادرشوت ستانی ،جملہ انسانی حقوق دی مکمل فراہمی اتے پائیدار ترقی کیتے ھک پیشگی تقاضا“ دے موضوع تے منعقدہ ݙو ݙینھ بین الاقوامی سیمینار دے اختتام تے جاری ’اسلام آباد اعلامیہ‘اچ آکھی ڳئی اے جیڑھا جو اعلامیہ دی منظوری دے نال اختتام پذیر تھی ڳئے ۔ حکومت پاکستان تےاسلامی تعاون تنظیم (او۔آئی۔سی) دے خودمختارمستقل انسانی حقوق کمیشن (آئی۔پی۔ایچ۔آر۔سی) دے زیراہتمام اے سیمینار 6 توں 7 جنوری 2022 کوں اقوام متحدہ دے انسانی حقوق کیتے ہائی کمشنر دے دفتر (او۔ایچ۔سی۔ایچ۔آر)، جرائم ومنشیات دے تدارک کیتے اقوام متحدہ دے دفتر (یو۔این۔او۔ڈی۔سی) اتے اقوام متحدہ دے ترقیاتی پروگرام (یو۔این۔ڈی۔پی) دے تعاون توں منعقد تھیا ۔ہفتہ کوں ترجمان دفتر وزارت خارجہ توں جاری پریس ریلیز موجب 200 توں ودھ بین الاقوامی اتے ملکی متعلقہ فریقین ایں عالمی سیمینار اچ شرکت کیتی جیں اچ حکومتی حکام، ’او۔آئی۔سی‘ دی رکن اتے مبصر ریاستاں، خودمختار مستقل انسانی حقوق کمشن (آئی۔پی۔ایچ۔آر۔سی)، ’او۔آئی۔سی‘ سیکرٹریٹ دے ارکان اتے اقوام متحدہ دے متعلقہ اداریں دے علاوہ تعلیم وتحقیق، سول سوسائٹی اتے میڈیا دے نمائندیں حصہ ڳھدے۔ وزیر خارجہ مخدوم شاہ محمود قریشی افتتاحی اجلاس توں کلیدی خطاب کیتا۔ انہاں وزیراعظم عمران خان دی بصیرت دی روشنی اچ رشوت ستانی دی لعنت مکاوݨ، ناجائز دولت کوں روکݨ تے جملہ انسانی حقوق دا تحفظ یقینی بݨاوݨ کیتے پاکستان دی حکمت عملی اجاگر کیتی۔ وزیر خارجہ ’او۔آئی۔سی‘ ملکاں تے زور ݙتے جو او ایجھے تخلیقی خیالات اتے اقدامات تے کم کرن جیں توں کرپشن توں بچݨ د عالمی فریم ورک مضبوط ہووے جیڑھا جو پائیدار ترقی دا ھک لازمی پیشگی تقاضا اے۔ اقوام متحدہ دے انسانی حقوق کیتے ہائی کمشنر افتتاحی اجلاس توں (پہلے توں ریکارڈ کیتا ڳیا وڈیو) خطاب کیتا جݙاں جو ’او۔آئی۔سی‘ دے اسسٹنٹ سیکریٹری جنرل اتے خودمختار مستقل انسانی حقوق کمشن (آئی۔پی۔ایچ۔آر۔سی) دے سربراہ اظہار خیال کیتا۔ عالمی سیمینار اچ غوروخوض دی روشنی اچ رشوت ستانی توں نبݨݨ ، جملہ انسانی حقوق دی مکمل فراہمی اتے پائیدار ترقی کیتے ’اسلام آباد اعلامیہ‘ منظور کیتا ڳیا ۔

مضمون کا ماخذ : جادوئی اسپن

متعلقہ مضامین