اسلام آباد۔30جنوری(اے پی پی):وزیر اعظم دی معاون خصوصی انسانی حقوق و ترقی نسواں مشعال حسین ملک آکھیے جدت، سرمایہ کاری اتے معیشت اچ نینگراں دی فعال شمولیت ملک دی ترقی سانڳے ٻہوں ضروری اے ۔ جاری پریس ریلیز موجب او لاہور اچ انوویشن ایکسپو فیوچر فیسٹ 2024 توں خطاب کریندیاں پیاں ہن ۔ ایں موقع تے معاون خصوصی دی فوکل پرسن سبین حسین ملک اتے مشیر وقاص بنوری وی موجود ہن ۔ ایکسپو اچ کاروباری لوکاں مختلف صنعتاں اتے خدمات تے محیط جدید پروڈکٹس، آلات اتے آئیڈیاز دی نمائش کیتی۔ مشعال حسین ملک کوں فیوچر فیسٹ دی کامیابیاں دا ݙسایا ڳئے جیں اچ 200 ملین ڈالر دی سرمایہ کاری، 30,000 ملازمتاں تے ایجادات تے مبنی روڈ شو دا انعقاد شامل ہن ۔