پاكستان او چين افغانستان كښې د امن او امان وضعې ښه والي لپاره يو ډول نظريه لري

اسلام آباد 28 ستمبر (اے پي پي) د خارجه چارو وفاقي وزير خواجه محمد آصف وئيلي دې د پاك چين اقتصادي لاره (سي پېك) به نه يوازې پاكستان لپاره ګېم چېنجر وګرځي بلكې دې سره به ټوله منطقه كښې د اقتصادي رابطو يو نوې دور پېل شي ٬ منطقه كښې د بېلا بېلو هېوادونو د دوه اړخيزه روابطو سره به سي پېك سياسي شخړو كمولو له هم مرستياله تر لاسه شي۔ د زيارت په ورځ چائنا ګلوبل ټيلي ويژن نېټ ورك (سي جي ټي اېن ) پروګرام كښې خپلو خبرو كښې خواجه آصف ووئيل دا وخت د منطقې د هېوادنو ترمېنځه شريك تجارت ډېر كم دے خو د سي پېك او ون روټ ون بېلټ بشپړېدو سره به د منطقې ټولو هېوادونو تجارتي رابطې زياتې شي او د اقتصادي سوكالۍ نوې دور به پېل شي۔۔ خواجه محمد آصف ووئيل تجارت ، سېلګري او د اولس سره د رابطو د لارې به د منطقې د هېوادونو په شريكو اړيكو ښه آغيز وشي۔ وفاقي وزير ووئيل پاكستان كښې د سي پېك سرمايه كارۍ له مخې نوې صنعتونه جوړولې شي٬ د سي پېك د لارې تر ګوادر بندر د نورو هېوادونو رسنه به آسانه شي۔ د يو پوښتنې په ځواب ده وضاحت وكړو چې د سي پيك له مخې سرمايه كاري قرض نه ده خو ولې دا انتظامي آمدن ترلاسه كولو لپاره كولې شي۔ ده ووئيل معيشت په تندۍ سره وده كوي او د بهرنو قرضونو وركولو لپاره هېواد زرمبادله لري۔ د چین خپل همڅنګ سره د شوي ملاقات په اړه د يوې پوښتنې په ځواب ده ووئيل د دواړو هېوادونو سوچ يو والې لري ۔ ده ووئيل مونږ هيله لرو چې دسمبر كښې به د چين پاكستان ٬ چين او افغانستان د خارجه وزيرانو ملاقات وشي او مونږ د افغان مسئلې سياسي هواري له د نورو پلېټ فارمونو هم كارولو له اميد لرو۔ ده ووئيل پاكستان او چين په افغانستان كښې د امن او امان وضعې ښه والي لپاره يو ډول نظريه لري او دا ګڼي چې د څو لسيزو راهسې د روانې افغان شخړې سياسي او سوله ايز هوارې د منطقې هېوادونو په ګټه كښې دے۔ د يوې پوښتنې په ځواب د ووئيل د افغان شخړې خاتمې پحقله د امريكې پشمول يو شمېر پلېټ فارم موجود دي او د افغان مسئلې حل لپاره امريكا مهم شراكت دار دے۔ ده ووئيل د وزيراعظم د ملګرو ملتونو عمومي اسمبلۍ غونډې په موقع امريكائي اولس مشر او نائب اولس مشر سره ملاقاتونه ډېر موثره وو۔ د ترهه ګرو د ژالو پحقله ده ووئيل د افغانستان څلوېښت فيصده سيمه د افغان طالبانو په قابو كښې ده چې له امله ئې ھغوي ته د پاكستان د خاورې ضرورت نشته او پاکستان كښې د طالبانو د محفوظو ځايونو سوال غېر ضروري دے۔ د يوې پوښتنې په ځواب ده ووئيل د لاجسټك سپورټ پحقله امريكا پاكستان ته ادائيګي كوي۔ خارجه وزیر ووئېل افغانستان كښې امن د پاكستان وړومبۍ ترجيح ده ځكه چې دې سره د پاكستان امن ځپلې كېږي او دغسې په افغانستان كښې د عدم استحكام له امله زمونږ معيشت او د وګړو ژوند هم ځپلې كېږي۔ کشمیر كښې د خاص نمائنده په ځائ كېدو پحقله د ملګرو ملتونو كښې وړاندې كړې شوې د پاكستان تجويز په اړه ده ووئيل ماضي كښې داسې ډېر مثالونه شته او د خاص نمائنده په ځائ كېدو سره به د مقبوضه كشمير كښې د روان صورتحال درست تصوير ممكن شي۔ ده ووئيل كشمير كښې د تېرو څو كالو راهسې د ځوانانو شهيدولو نه علاوه ھغوي د رياستي ترهه ګرۍ د لارې معذوره كولې شي او د تېرو 14 مياشتو صورتحال د مقبوضه كشمير اولس لپاره ډېر خوفناك ٶ۔ ده ووئيل كشمير كښې د هند روان ظلمونه ميډيا رامخې ته كړې او په دې لړ كښې د بشري حقونو يو شمېر نړيوال تنظيمونه هم كار كوي۔ ده ووئيل هند كښې 66 ترهه ګر تنظيومه كار كوي او بېلتون خوښې تحريكونه هم روان دي٬ هند مقبوضه كشمير كښې د روانو ظلمونو نه د نړۍ پام اخوا كولو لپاره په پاكستان تورونه لګوي ۔ د كشمير كشالې پشمول د نورو شخړو د سفارتي هواري امكانانو په اره ده ووئيل پاکستان او هند اتومي هېوادونه دي او مونږ له خپلې شخړې پخپله د مخلصانه هڅو د لارې هوارول پكار دي٬ د درېمې ډلې لخوا د ثالثۍ كردار په اړه ده ووئيل د شنګهائي مرستې تنظيم د يو سيمه ايز تنظيم په حېث د پاكستان او هند پشمول د غړو هېوادونو شخړو ختمولو پحقله كليدي كردار ادا كولې شي۔ ده ووئيل چين د پاكستان او هند ګاٶنډي هېواد دے او هند سره تجارتي روابط لري او كه چين د دواړو هېوادونو شخړو كمولو له كردار ترسره كړي نو پاكستان به ئې هركلې كوي۔ ده واضحه كړه چې د خبرو اترو پېل سره به د شخړو خاتمې له مرسته ترلاسه شي۔ د پاکستان او چین د معاشي او تزویراتی اړيكو په اړه وفاقي وزير ووئيل دواړه هېوادونه په دفاعي څانګو كښې هم مسحتكمې اړيكې لري او دا اړيكې د شپږو لسيزو نه د زياتې مودې راهسې جاري دي۔ د چين اولس مشر ژي جن پنګ د پاك چين اړيكو پحقله د كردار په اړه ده ووئيل د دواړو هېوادونو دوه اړخيزه اړېكې نوې بام ته رسېدلي او د چين اولس مشر د دواړو هېوادونو شريكو اړيكو ته نوې روح وركړې۔

مضمون کا ماخذ : quina acumulada

متعلقہ مضامین