اسلام آباد۔26مئی(اے پی پی)وفاقی وزیر برائے منصوبہ بندی ،ترقی،اصلاحات وخصوصی اقدامات احسن اقبال آکھیے جو وزیراعظم شہبازشریف دی قیادت اچ ملک کوںا وکھ توں کݙھسوں، الیکشن اپݨے ویلھے تے تھیسن، عمران نیازی منفی سیاست چھوڑ تے چارٹر آف اکانومی تے ڳالھ کرن، فسادی مارچ ملک کوں ترقی توں ݙکݨ دی سازش ہئی جیڑھی ناکام تھئی اے۔ پریس کانفرنس کریندے انہاں آکھیا جو عمران خان دی منفی سیاست دا ٻھوڳ 22 کروڑ عوام کوں ٻھوڳݨا پوندا پئے، عمران خان دے مارچ پاروں یاسین ملک دی سزا دے خلاف آواز نسے چا سڳیے، عمران خان ہمیشہ دشمناں کوں فیدہ پچائے، ہݨ مقصد نکلݨ تے عمران خان آرام نال ڳھر ونڄ ٻیٹھن۔