پیرس۔23جون(اے پی پی)وفاقی وزیر اطلاعات و نشریات مریم اورنگزیب آکھیے جو بیرون ملک مقیم پاکستانی ساݙا قیمتی ترکہ اتے پاکستان دا ماݨ ہین، سمندر پار پاکستانیاں ہمیشہ وطن عزیز دی تعمیر و ترقی اچ اہم کردار ادا کیتے۔ اے ڳالھ انہاں فرانس اچ وسݨ آلی پاکستانی برادری دے ارکان نال ملݨ ویلھے آکھی۔ انہاں ملکی ترقی کیتے اوورسیز پاکستانیاں دے کردار دی تعریف کیتی۔ وفاقی وزیر اطلاعات آکھیا جو دیار غیر اچ وسݨ آلے پاکستانیاں دے مسائل دا حل حکومت دی ترجیح اے۔