اسلام آباد – 02 آگسٽ (اي پي پي) پرڏيهي سيڪريٽري تهمينه جنجوعه چيو آهي ته پاڪستان ڪشمير مسئلي کي سدائين سمورن عالمي فورمن تي کنيو آهي ۽ پاڪستان خودمختياري وارو حق حاصل ڪرڻ لاءِ ڪشميرين جي منصفاڻي جدوجهد جي اخلاقي، سفارتي ۽ سياسي حمايت جاري رکندو. اها ڳالهه هن آزاد ڄمون ۽ ڪشمير جي صدر سردار مسعود سان ملاقات دوران ڳالهائيندي چئي. ڳالهين دوران والاريل ڪشمير ۾ تازي صورتحال سميت وڏي پئماني تي انساني حقن جي خلاف ورزين جو معاملو به بحث هيٺ آيو.