پاکستان اچ کھیݙاں تے ایڈونچر ٹورازم دے ٻہوں امکانات موجود ہن،صدر ڈاکٹرعارف علوی دا تریجھی پائیدار ماؤنٹین سپورٹس ٹورازم کانفرنس دی اختتامی تقریب توں خطاب
APP29-131223
ISLAMABAD: December 13 – President Dr Arif Alvi addressing the concluding ceremony of the Conference on Sustainable Mountain Sports Tourism, at Aiwan-e-Sadr. APP/TZD/FHA
اسلام آباد۔13دسمبر(اے پی پی):صدر مملکت ڈاکٹر عارف علوی سازگار ماحول تے بہتر سہولتاں ݙیوݨ کوں کھیݙاں تے سیاحت دی ترقی سانڳے اہم قرار ݙیندے ہوئیں آکھیے جو پاکستان اچ کھیݙاں تے ایڈونچر ٹورازم دے بے پناہ امکان موجود ہن ، موثر ضابطے اتے چنڳے انفراسٹرکچرنال ملک اچ سیاحت دے شعبے کوں ودھارا ݙتا ونڄ سڳدے۔ اے ڳالھ انہاں ٻدھ کوں اتھاں ایوان صدر اچ تریجھی پائیدار ماؤنٹین سپورٹس ٹورازم کانفرنس دی اختتامی تقریب توں خطاب کریندے ہوئیں آکھی اوے ۔ ”ریوائیول آف ماؤنٹین گلوری” دے عنوان توں تھیوݨ آلی تقریب دا اہتمام الپائن کلب آف پاکستان کیتا ہئی تقریب اچ ثمینہ بیگ، نائلہ کیانی اتے ساجد سدپارہ سودھے ملک دے نامور کوہ پیماواں وی شرکت کیتی جنہاں پوری دنیا دیاں اُچیاں چوٹیاں کوں سرکرتے ٹائٹل جتݨ دا اعزاز ڳھدے۔ صدر مملکت آکھیے قدرت پاکستان کوں ناقابل یقین حد تئیں پرسکون حسن نال نوازیے تے خاص طور تے ملک دے شمالی علاقے جتھاں پہاڑ اتے برفانی چوٹیاں سیاحواں اتے ٹریکراں سانڳے کشش دا ھک اہم ذریعہ ہن ۔ صدر مملکت ایں موقع تے کوہ پیماواں، ٹریکرز تے الپائن کلب دے عہدیداراں کوں شناختی شیلڈز ݙتن۔
