چین 31 جنوری تئیں پاکستان کوں پنج لکھ کووڈ۔19ویکسین ڈوزز ݙیسی ،وزیر خارجہ شاہ محمود قریشی

اسلام آباد۔21جنوری (اے پی پی):وزیر خارجہ شاہ محمود قریشی آکھیے جو چین 31 جنوری تئیں پاکستان کوں پنج لکھ کووڈ۔19ویکسین ڈوزز ݙیسی خمیس کوں میݙیا نال ڳالھ مہاڑ کریندے ہوئیں وزیر خارجہ آکھے جو میݙی دسمبر اچ چینی وزیر خارجہ نال ایں حوالے نال تفصیلی ڳالھ مہاڑ تھئی جݙاں جو وزیراعظم عمران خان دی خصوصی ہدایت تے میݙی چینی وزیر خارجہ ںال اڄ ول ڳالھ تھئی اے ۔ انہاں آکھیے جو میں قوم کوں خوش خبری سݨاوݨ چاہنداں جو چین وعدہ کیتے جو او 5 لکھ ویکسین ڈوزز 31 جنوری تئیں پاکستان کوں تحفے اچ ݙتیاں ویسن ۔وزیر خارجہ آکھیے جو میں انہاں دا شکریہ ادا کریندے ہوئیں آکھیے جو انہاں توں گزارش اے جو مستقبل قریب اچ اساݙی ضرورت 1.1 ملین ڈوزز دی اے جیں تے انہاں یقین ݙیوائے جو مطلوبہ مقدار اچ ویکسین فروری دے چھیکڑ تئیں ݙتی ویسی ۔ وزیر خارجہ آکھیے جو کرونا عالمی وبائی چیلنج دا مقابلہ پوری قوم رل تے کیتے جݙاں جو وزیر اعظم عمران خان، خود کرونا وبا متعلقہ سارے اہم اجلاساں دی سربراہی کریندے رہین ۔این سی او سی عمدہ کوآرڈینیشن دا مظاہرہ کیتے۔

مضمون کا ماخذ : loterias da caixa

متعلقہ مضامین