اسلام آباد۔26جولائی(اے پی پی)وزیراعظم عمرا ن خان آزاد جموں و کشمیر قانون ساز اسمبلی دے انتخابات اچ تحریک انصاف دے کامیاب امیدواراں کوں مبارکباد ݙیندے آکھیے جو او کشمیری عوام کوں حق خود ارادیت ݙیواوݨ کیتے اقوام متحدہ سودھا سارے عالمی فورمز تے آواز چیندے راہسن۔ ہک ٹویٹ اچ وزیراعظم تحریک انصاف دے کامیاب امیدواراں کوں مبارکباد ݙتی اتے آکھیا جو اے ڳالھ یقینی ٻݨائی ویسی جو اقوام متحدہ دے تحت استصواب رائے نال کشمیری عوام کوں حق خود ارادیت ݙیواوݨ کیتے عالمی برادری آپݨا وعدہ پورے کرے۔