وزیراعظم دی اڳواݨی اچ قومی سلامتی کمیٹی دا اجلاس، ٹی ٹی پی نال مذاکرات کیتے اعتماد سازی لو پارلیمنٹ دا ان کیمرہ اجلاس سݙݨ دا فیصلہ

اسلام آباد۔22جون(اے پی پی)وزیراعظم شہبازشریف دی اڳواݨی اچ قومی سلامتی کمیٹی دا اجلاس تھئے جیندے اچ اعلیٰ سیاسی و عسکری قیادت شرکت کیتی۔ اجلاس اچ کالعدم تحریک طالبان پاکستان(ٹی ٹی پی) نال مذاکرات اڳو تے ٹورݨ دا فیصلہ کیتا گئے جیندے کیتے ارکان پارلیمنٹ کوں اعتماد اچ ڳھدا ویسی اتے پارلیمنٹ دا ان کیمرہ اجلاس سݙیا ویسی۔ قومی سلامتی کمیٹی اجلاس دے بعد میڈیا بریفنگ اچ وفاقی وزیر داخلہ رانا ثنا اللہ آکھیے جو پارلیمنٹ دی اونرشپ نال کالعدم تحریک طالبان پاکستان ( ٹی ٹی پی) نال مذاکرات اڳو تے ودھائے ویسن۔ اجلاس اچ سکیورٹی صورتحال تے پارلیمانی رہنماواں کوں بریفنگ ݙتی ڳئی اتے ملکی سلامتی دی صورتحال، امن و امان سودھا ہمسایہ ملکاں نال تعلقات دا وی جائزہ ڳھدا ڳئے۔ اجلاس اچ کالعدم تحریک طالبان (ٹی ٹی پی) نال مذاکرات بارے شرکاء کوں اعتماد اچ ڳھدا ڳئے اتے کمیٹی کوں قومی معاملات سودھا افغانستان دی صورت حال تے وی بریفنگ ݙتی گئی۔ انہاں آکھیا جو طالبان نال مذاکرات بارے وزیراعظم شہبازشریف پارلیمنت دے مشترکہ ان کیمرہ اجلاس اچ ارکان کوں اعتماد اچ ڳھنسن۔

مضمون کا ماخذ : قدیم مصری کلاسک

متعلقہ مضامین