بدترین چھل پاکستان دی لوڑھ کوں ودھا ݙتے، پاکستان کوں مختصر اتے وچلی مدت کیتے مالی تعاون اتے گنجائش چاہیدی اے، وفاقی وزیر خزانہ سینیٹر محمد اسحاق ڈار

جنیوا ۔9جنوری (اے پی پی) وفاقی وزیر خزانہ تے محصولات سینیٹر محمد اسحاق ڈار آکھیا جو بدترین چھل پاکستان دی لوڑھ کوں ودھا ݙتے، پاکستان کوں مختصر اتے وچلی مدت کیتے مالی تعاون اتے گنجائش چاہیدی اے،پاکستان اپݨی بین الاقوامی ادائیگیاں اتے ذمہ داریاں اچ پرعزم اے، پاکستان مختلف شعبیاں اچ اصلاحات متعارف کرویندا پے، بدترین چھل پاکستان دی لوڑھ کوں ودھا ݙتے، پاکستان کوں مختصر اتے وچلی مدت کیتے مالی تعاون اتے گنجائش چاہیدی اے۔اے ڳالھیں انہاں سنوار کوں سوئٹرزلینڈ دے شہر جنیوا اچ انٹر نیشنل کانفرنس آن کلائمیٹ ریزیلیئنٹ پاکستان دے پہلے پلینری سیشن دی سانجھی صدارت کریندیں ہوئیں آکھی۔ وزیرخزانہ آکھیا جو پاکستان ماحولیاتی اتے موسمیاتی اثرات، روس۔یوکرین جنگ، عالمی کساد بازاری اتے غریبی جیھے مسئلیاں دا پہلے توں سامݨا کریندا پیا ہئی۔ انہاں حالات اچ ملک کوں تاریخ دے بدترین چھل دا سامݨا تھیا، گزریل 30 سالیں اچ پہلی واری گزریل مون سون اچ چھی گنا ودھ مینہ وسیے جئیں نال ملک دے کئی حصے خصوصی طور سندھ اتے بلوچستان اچ ٻہوں تباہی تھی اے۔ چھل پاروں ترائے کرور 30 لکھ توں ود لوک متاثر تھین۔ 1700 بندے اپݨے جان توں ڳن، 13 ہزار زخمی تھین۔ 30 ہزار کلومیٹر سڑکاں اتے شاہراواں تباہ تھین، 440 پل تباہ تھین۔ 500 ملین ایکٹر تے کھڑی زمین تے فصلاں تباہ تھی ڳن۔ ݙو ملین دے نیڑے گھر عارضی یا جزوی متاثر تھین اتے ݙاہ لکھ مال مویشی ہلاک یا رل ڳن۔ چھل پاروں باوی ہزار سکول بند تھین جئیں نال لکھاں ٻالاں دی تعلیم متاثر تھی اے۔ انہاں آکھای جو چھل توں متاثرہ لوکاں دی بحالی اتے تعمیر نو تے بحالی کیتے اساکوں مربوط کوششاں دی لوڑھ اے۔ پاکستان دی حکومت متاثرہ لوکاں اتے علاقیاں دی امداد اتے بحالی کوں پہلی ترجیح ݙتی اے۔ بے نظیر انکم سپورٹ پروگرام دے تحت فوری طور 70 ارب روپے دی ہنگامی کیش تعاون ݙتا ڳیا۔ 8.17 ملین متاثرین کوں نقد امداد ݙتی گئی، 2.7 ملین ٹبراں کوں کیش ریلیف اتے ٻئیا ضروری امداد ݙتی ویندی پی اے۔ وزیر خزانہ عالمی بینک دا شکریہ ادا کریندیں ہوئیں آکھیا جو عالمی بینک چھل متاثرین دی بحالی اتے تعمیر نو بارے 1.6 ارب ڈالر دا تعاون دا اعلان کیتے اتے پنج سو ملین دا تعاون کلائمیٹ ریزیلیئنٹ پاکستان کیتے ݙیوݨ دا وعدہ کیتے۔ وزیرخزانہ آکھیا جو پی ڈی ایم عالمی اداریاں دے تعاون نال جیڑھا تخمینہ لاتے اوندے مطابق چھل پاروں 30 ارب ڈالر توں ودھ دا ضیان تھیے اتے تعمیر نو تے بحالی کیتے پاکستان کوں 16.3 ارب ڈالر دی لوڑھ اے۔ اگلے ترائے سالیں کیتے اساکوں اٹھ ارب ڈالر ہر سال دی لوڑھ ہوسی۔ وزیر خزانہ آکھیا جو پاکستان ماحولیاتی تبدیلیاں پاروں تھیوݨ آلی نقصان نال نبڑݨ کیتے عالمی برادری نال کھڑے۔ انہاں آکھیا جو ریزیلیئنٹ ریکوری سٹرٹیجک اچ ݙو پاسہ سانجھے داراں، دوست ملکاں، این جی اوز اتے سول سوسائٹی دی تنظیماں دی حمایت تے وی پاکستان انہاں ساریاں دا مشکور اے۔ وفاقی وزیر منصوبہ بندی، ترقی تے خصوصی اقدامات پروفیسر احسن اقبال پلانری توں خطاب کریندیں ہوئیں شرکاء کوں بدترین چھل پاروں تھیوݨ آلی ضیان تے تفصیلی بریفنگ ݙتی اتے آکھیا جو 2022ء اچ پاکستان ہک بدترین چھل آیا جئیں پاروں 33 ملین لوک متاثر تھیے۔ انہاں آکھیا جو بلوچستان اتے سندھ دے 20 پسماندہ ضلعیاں دا ضیان تھیے، ایندے نال پنجاب، خیبرپختونخوا دے کجھ ضلعیاں دا وی نقصان تھیا۔ انہاں آکھیا جو بنیادی ڈھانچے دی بحالی کیتے پاکستان کوں 16 ارب ڈالر دی ہنگامی بنیاداں تے لوڑھ اے۔

مضمون کا ماخذ : ٹمپل ٹمبل

متعلقہ مضامین