حکومت سویڈن اچ قرآن پاک دی بے حرمتی دے واقعہ تے اقوام متحدہ سودھے ہر فورم تے آپݨا احتجاج ریکارڈ کرویسی ، وفاقی وزیر قانون و انصاف

اسلام آباد۔27جنوری(اے پی پی):وفاقی وزیر قانون و انصاف سینیٹر اعظم نذیر تارڑ آکھیے سویڈن اچ قرآن پاک دی بے حرمتی دا واقعہ قابل مذمت اے، حکومت اقوام متحدہ سودھے ہر فورم تے ایں حوالے نال آپݨا احتجاج ریکارڈ کرویسی ، حکومت اپݨی بین الاقوامی اتے سفارتی ذمہ واریاں توں مکمل طور تے آگاہ اے اتے ایں معاملے تے کوئی وسلائی نہ کیتی ویسی ۔ سینیٹ اجلاس تے سویڈن اچ قرآن پاک دی بے حرمتی دے واقعہ دے حوالے نال قرارداد تے اظہار خیال کریندے ہوئیں سینیٹر اعظم نذیر تارڑ آکھیے قرآن پاک کوں اللہ تعالیٰ حضرت محمد ﷺدی وساطت نال سارے اقوام عالم کیتے نازل فرمائے، ایں وچ ݙوجھیں دی رائے دا احترام کرݨ، وراثتی حقوق، انسانی حقوق سودھے ٻئے مسئلیں دا حل موجود اے ، اے صرف مسلماناں کیتے کائنی ، عالم انسانیت کیتے ہے ، مہذب قوماں اچ ایں طرح دی پراگندہ ذہنیت دا ہووݨ لمحہ فکریہ اے، ایں واقعہ دی جتنی مذمت کیتی ونڄے گھٹ اے ، پاکستان ھک ذمہ وار ملک اے، اساں بین الاقوامی قوانین دے تحت آپݨا احتجاج ریکارڈ کراوݨ دا حق رکھیندوں غیر مسلم بھیݨ بھراویں ایوان اچ ہمیشہ ایں معاملے تے ساݙا ساتھ ݙتے ، حکومت ہر فورم تے ایں معاملے کوں چیسی ، حکومت اپݨی بین الاقوامی اتے سفارتی ذمہ واریاں توں مکمل طور تے آگاہ اے اتے ایں معالے تے کوئی وسلائی نہ کیتی ویسی ۔ حکومت ایں معاملے تے اقوام متحدہ یورپی ملکاں سودھے ہر فورم تے آپݨی ذمہ واریاں پوری کریسی۔

مضمون کا ماخذ : میگا فارچیون

متعلقہ مضامین