ملک انتخابات دے پاسے ودھدا پئے ، لوکاں کوں ملک دے حالات بارے معلومات ݙیوݨ ٻہوں ضروری اے ، وفاقی سیکریٹری اطلاعات و نشریات شاہیرہ شاہددا سیمینارتوں خطاب

اسلام آباد۔11جنوری(اے پی پی) وفاقی سیکریٹری اطلاعات و نشریات شاہیرہ شاہد انتخابات 2024ءدے حوالے نال آگاہی ݙیوݨ دی لوڑھ تے زور ݙیندے ہوئیں آکھیے جو ملک انتخابات دے پاسے ودھدا پئے ، لوکاں کوں ملک دے حالات بارے معلومات ݙیوݨ ٻہوں ضروری اے ۔ اے ڳالھ انہاں پریس انفارمیشن ڈیپارٹمنٹ دے اہتمام نال مقامی ہوٹل اچ ”انتخابات 2024ء :سیاسی جماعتاں دا اقتصادی اصلاحات دا ایجنڈا“ دے موضوع تے منعقدہ سیمینار توں خطاب کریندے ہوئیں آکھی اے ۔ وفاقی سیکریٹری اطلاعات آکھیے جو پریس انفارمیشن ڈیپارٹمنٹ دی ہمیشہ توں کوشش رہی اے جو او ایجھا پلیٹ فارم ݙیوے جتھاں ملک دے مستقبل دے حوالے نال مباحثہ تھی سڳے ۔ انہاں آکھیے جو انتخابات دے حوالے نال ساریں کوں آگاہی ݙیوݨی چاہیدی اے تاں جو اندی حکومت کوں کیا مشکلات تے چیلنجز آسن تے او کیویں انہاں مسئلیں نال نبݨ سڳسی ۔ انہاں آکھیے اساں کنے نیشنل براڈ کاسٹرز اتے الیکٹرانک میڈیا دا پورا سپیکٹرم موجود اے جتھاں ملکی مسئلے تے چیلنجز تے تفصیلی بحث تھی سڳدی اے ۔ وفاقی سیکریٹری اطلاعات آکھیے جو میڈیا معلومات ݙیوݨ اچ اہم کردار نبھیندا پئے ۔ اڄ دے سیمینار دا مقصد وی اے ہئی جو انتخابات دے حوالے نال سیمینار دے ذریعے ملکی مسئلیں کوں چاتا ونڄے ۔ انہاں آکھیے سیمینار دا انعقاد پریس انفارمیشن ڈیپارٹمنٹ دی بہترین کوشش اے۔

مضمون کا ماخذ : اسلام آباد لاٹری

متعلقہ مضامین