سانحہ آرمی پبلک سکول ، 16دسمبر 2014 دے ݙینھ کوں ملکی تاریخ دے کالے ݙینھ دے طور تے یاد رکھیا ویسی ، سپیکر قومی اسمبلی اسد قیصر اتے ڈپٹی سپیکر قاسم خان سوری

اسلام آباد۔15دسمبر (اے پی پی):سپیکر قومی اسمبلی اسد قیصر اتے ڈپٹی سپیکر قاسم خان سوری سانحہ آرمی پبلک سکول پشاور دے شہداء کوں خراج عقیدت پیش کریندے ہوئیں آکھیے جو آرمی پبلک سکول پشاور دے شہداء دیاں قربانیاں کوں ہمیشہ یاد رکھیسن جݙاں جو 16دسمبر 2014 دے ݙینھ کوں ملک دی تاریخ دے سیاہ ترین ݙینھ دے طور تے یاد رکھیا ویسی ، اے ڳال انہاں سانحہ آرمی پبلک اسکول دی 7ویں برسی دے موقع تے جاری اپݨے انڄ انڄ پیغام اچ آکھی اے ، سپیکر آکھیے جو سانحہ اے پی ایس دے واقعہ اچ 132 توں ودھ ٻالاں اتے استاداں دی شہادت پوری دنیا کوں ہلا تے رکھ ݙتا ہئی ، انہاں آکھیے جو آرمی پبلک سکول دے اُنہاں نشوم ہیروز دہشتگردی توں پاک اتے تعلیم یافتہ پاکستان کیتے قوم کوں ھک مٹھ تھیوݨ دا سنھیا چھوڑ تے ڳئن ۔سپیکر آکھیے جو 7 سال بعد وی سانحہ اے پی ایس ناقابل برداشت درد دی موجودگی دے طور تے محسوس تھیندے ۔ انہاں آکھیے قوم کوں شہداء دے خانداناں تے فخر اے جنہاں ایں وݙے ݙکھ کوں جھلیے ،پوری قوم ݙکھی خانداناں دے ݙکھ اچ برابر دی شریک اے ۔

مضمون کا ماخذ : میان میجک وائلڈ فائر

متعلقہ مضامین