اسلام آباد-22 نومبر (اي پي ??ي) گهرو معاملن واري وفاقي وزير محسن نقوي چيو ??هي ته اسلام آباد ۾ احتجاج روڪڻ دوران امڪاني نقصان جا ذميوار اهي هوندا جيڪي اسلام آباد هاءِ ڪورٽ جي فيصلي خلاف ايندا، 24 نومبر تي اسلام آباد ۾ احتجاج جي ڪا به درخواست ناهي ڏني وئي، عدالت جي فيصلي تي سئو سيڪڙو عملدرآمد يقيني بڻائينداسين، اسلام آباد ۾ ڪنهن کي به جلسا جلوس يا ڌرڻي جي اجازت نه ڏينداسين، ڪي پي حڪومت ٻڌائي ته انهن جو ڌيان اتي دهشتگردي ختم ڪرڻ تي هجڻ گهرجي يا اسلام آباد ت?? ڪاهه لازمي آهي.اڄ هڪ طرف جنازا کڄي رهيا آهن ت?? ٻي طرف ڪاهه جون ت??اريون ٿي رهيون آهن. هو ڪالهه صحافين سان ڳالهائي رهيو هو. احتجاج کي روڪڻ جي ڪوشش دوران ٿيندڙ امڪاني جاني نقصان جو ذميوار ڪير هوندو؟ جي سوال جي جواب ۾ گهرو وزير چيو ته ذميوار اهو ئي هوندا جيڪي اسلام آباد هاءِ ڪورٽ جي حڪم ??ي خلاف ورزي ڪري ايندا. ذميوار اهي هوندا جيڪي ڪاهه ڪرڻ اچي رهيا آهن. هڪ سوال جي جواب ۾ هن چيو ته نه دڪان بند ٿيڻ گهرجن، نه ڪاروبار بند ٿيڻ گهرجي، نه روڊ بند ٿيڻ گهرجي ۽ نه موبائيل فون سروس بند ٿيڻ گهرجي، پر ٻڌايو ته اسان ڇا ڪريون؟ هڪ سوال جي جواب ۾ هن چيو ته خيبرپختونخوا ۾ امن امان جي ذميواري صوبائي حڪومت جي آهي، گذريل ڏينهن کين دهشتگردي کي نظر ۾ رکندي ايف سي جون 15 پلاٽون گهربل هيون، جيتوڻيڪ اسان کي اسلام آباد ۾ به ايف سي جي ضرورت هئي پر اسان هتي روڪ نفري اتي موڪلي آهي. صوبائي حڪومت جي مدد ڪرڻ اسان جو فرض ??هي پر صوبائي حڪومت کان به پڇيو وڃي ته ان جو به ڌيان دهشتگردي ختم ڪرڻ تي هجڻ گهرجي يا اسلام آباد ت?? ڪاهه ڪرڻ تي هجڻ گهرجي. هن چيو ته وفاقي حڪومت جو ڪم صرف مدد فراهم ڪرڻ آهي. ارڙهين ترميم کانپوءِ امن امان اسان جي ذميواري ناهي، جيڪو اهي مطالبو ڪن ٿا اسان اهو پورو ڪريون ٿا پر امن امان جي پهرين ذميواري صوبائي حڪومت جي آهي. گهرو وزير چيو ته 40 جنازا کڄڻ کانپوءِ اتي ويٺل ماڻهن کي پاڻ سوچڻ گهرجي ته انهن جي پهرين ترجيح ڪهڙي هجڻ گهرجي. هن چيو ته جيڪو به قلم 144 جي ڀڃڪڙي ڪندو ان خلاف ڪارروائي ٿيندي. هن چيو ته اڄ شام وزيراعظم جهڙي طرح گائيڊ ڪندو بلڪل ان جي هدايت موجب ڪنداسين، جيڪڏهن اهي ڌرڻي لاءِ اچڻ جي ڪوشش ڪندا ته تمام گهڻي مشڪل ٿي ويندي، نقصان جا ذميوار اهي ماڻهو هوندا جيڪي آرڊر ??ي خلاف ورزي ڪري ڪاهه لاءِ اچي رهيا آهن. منهنجو اڊيالا سان ڪوبه رابطو ناهي. هن چيو ته پي ??ي آءِ ايس سي او ڪانفرنس جو خيال نه رکيو هاڻي بيلاروس جو وفد اچي رهيو آهي، اوهان آمريڪا ۽ سعودي عرب کي وچ ۾ کڻي آيا، آمريڪا جي حوالي سان به ڳالهايو ٿا، اوهان هڪ سال اندر ايترا يوٽرن ڪيئن وٺو ٿا. گهرو وزير چيو ته اوهان پنهنجو آواز لاڳاپيل فورمن ت?? اٿاريو. 24 نومبر جي ڌرڻي کي 10 ڏينهن لاءِ ملتوي ڪرڻ واري ڪا به ڳالهه نه آهي، نه ئي ڳالهين جي ضرورت ??هي ۽ نه ئي ٿيڻ گهرجن. صرف جائز طريقي سان ڳالهيون ٿيڻ گهرجن، هڪ طرف ڌرڻو ۽ ٻي طرف ڳالهيون ايئن نٿو ٿي سگهي.
