کشمیری عوام ہر ظلم دے باوجود بھارت دے ہٹلر دے خلاف اپݨی تحریک آزادی جاری رکھسن، مشعال ملک

اسلام آباد۔ 8فروری(اے پی پی)چیئرپرسن پیس اینڈ کلچر آرگنائزیشن مشعال ملک آکھیے جو کشمیر دے غیور عوام ہر اوکھ اتے ظلم دے باوجود بھارتی غلامی توں خلاصی تئیں بھارت دے ہٹلر دے خلاف اپݨی تحریک آزادی جاری رکھسن۔ اے ڳالھ انہاں نیشنل کالج آف آرٹس اچ کشمیری عوام نال یکجہتی کیتے ہک تصویری نمائش اچ آکھی۔ تقریب اچ
یاسین ملک دی صاحبزادی رضیہ سلطانہ اتے سیکرٹری جنرل پیس اینڈ کلچر آرگنائزیشن سبین حسین ملک وی موجود ہن۔ مشعال حسین ملک آکھیا جو فنکار اتے مصور اپݨے قلم، برش اتے نظماں نال ڄڳ کوں مقبوضہ وادی دی المناک صورتحال ݙساوݨ اچ اہم کردار ادا کریندے پن، تصویری نمائش مقبوضہ کشمیر دے لوکاں تے بھارتی فوج دی بربریت اتے بھارتی ظلم و ستم ڄق اچ بے نقاب کرݨ دا وݙا ذریعہ اے۔ مشعال ملک آکھیا جو مقبوضہ کشمیر اچ انسانی حقوق دی پامالی ریاستی جبر اتے مودی سرکار دے اوچھے ہتھکنڈاں کوں ڄڳ اچ بے نقاب کرݨ ٻہوں اہم اے۔ انہاں آکھیا جو یاسین ملک سودھا سینئر حریت رہنما زیر حراست ہین اتے انہاں کوں بنیادی و قانونی حقوق توں محروم رکھیا ویندا پئے، نریندرا مودی دی سرپرستی اچ ہندوتوا حکومت فسطائی ہتھکنڈاں کوں استعمال کریندی پئی اے، اساں مقبوضہ وادی کوں ہک سب جیل اچ وٹاوݨ، ست ݙھاکیاں توں بھارتی دہشت گردی و کشمیریاں دی نسل کشی دی بھرپور مذمت کریندے ہیں۔ مشعال حسین ملک آکھیا جو این سی اے دی دل اچ ہک خاص ڄاہ اے، کشمیر کاز کوں سامݨے ڳھن آوݨ کیتے این سی اے دا وݙا کردار اے جیندے معترف ہیں جو نینگراں کوں کشمیریاں دی جدوجہد آزادی نال سنڄاݨ کراوݨ ضروری اے۔ انہاں نمائش اچ فن پاراں دی تعریف کیتی اتے نمائش کراوݨ تے وائس چانسلر پروفیسر ڈاکٹر مرتضیٰ جعفری دا شکریہ ادا کیتے۔ این موقع تے وفاقی وزیر تعلیم و پیشہ وارانہ تربیت رانا تنویر حسین وی خطاب کیتے۔

مضمون کا ماخذ : را کی کتاب

متعلقہ مضامین