اسلام آباد۔16مارچ (اے پی پی):وزیراعظم محمد شہباز شریف سعودی عرب دے ولی عہد اتے وزیراعظم شہزادہ محمد بن سلمان آل سعود دی طرفوں مبارخ سانڳے ٹیلیفونک رابطہ کرݨ تے انہاں توں اظہار تشکر کیتے۔ وزیر اعظم ہفتے کوں سماجی رابطہ دی ویب سائٹ ایکس تے ٹویٹ اچ خادم الحرمین شریفین شاہ سلمان بن عبدالعزیز دی صحت و تندرستی سانڳے دعا کیتی تے نیک تمناواں دا اظہار کیتے۔انہاں مزید آکھیے جو میں ولی عہد شہزادہ محمد بن سلمان نال رل تے کم کرݨ سانڳے پر امید ہاں تاں جو پاکستان اتے سعودی عرب دے وسیع اتے تاریخی برادرانہ تعلقات کوں ھک جامع اسٹریٹجک شراکت داری اچ بدالیا ونڄ سڳے ۔