سامونڊي آلودگي ۾ گهٽتائي بحري شعبي جي پائيداري لاءِ ضروري آهي: صدر

ڪراچي – 30 – سيپٽمبر (اي پي پي) صدر ڊاڪٽر عارف علوي چيو آهي ته سامونڊي آلودگي ۾ گهٽتائي بحري شعبي جي پائيداري لاءِ ضروري آهي ۽ پاڪستان ان حوالي سان موثر ڪوششون ڪري رهيو آهي.

اهڙن خيالن جو اظهار هن ورلڊ ميري ٽائيم ڊي جي موقعي تي منعقد سيمينار کي اسلام آباد مان وڊيو لنڪ جي ذريعي خطاب ڪندي ڪيو. تقريب جو اهتمام ميري ٽائيم معاملن جي وزارت مقامي هوٽل ۾ ڪيو هو، صدر چيو ته پاڪستان سامونڊي وسيلن سان مالا مال آهي ان جون بندرگاهون ۽ شپ يارڊ قومي معيشت ۾ پنهنجو حصو وجهي وڏو ڪردار ادا ڪري رهيون آهن.

صدر چيو ته بحري معاملن وارو وفاقي وزير سيد علي حيدر زيدي پاڪستان جي سامونڊي حدن ۽ ساحلي علائقن مان آلودگي جي خاتمي لاءِ ڪوششون ڪري رهيو آهي جنهن جي ڪري ماهيگيري جي شعبي ۾ بهتري اچي رهي آهي.

ان موقعي تي سنڌ جو گورنر عمران اسماعيل خطاب ڪندي چيو ته ميري ٽائيم جي شعبي ۾ سيڙپڪاري جا وسيع امڪان آهن پر بدقسمتي سان سيڙپڪار ان شعبي ۾ سيڙپڪاري لاءِ متوجهه نه آهن.
وفاقي وزير سيد علي حيدر زيدي چيو ته ڪيترائي شعبا بليو اڪانومي سان ڳنڍيل آهن، اسان ماهيگرن جي ترقي لاءِ هڪ ڪامياب ماهيگير پروگرام شروع ڪيو آهي، انهن کي آسان قسطن ۾ قرض فراهم ڪرڻ گهرجي.

مضمون کا ماخذ : بلوچستان لاٹری

متعلقہ مضامین