موجوده حڪومت پهريون ڀيرو زرعي شعبي جي بهتري لاءِ جامع حڪمت عملي جوڙي آهي: وزيراعظم

APP55-290921 ISLAMABAD: September 29 - Prime Minister Imran Khan chairs a review meeting on Agriculture Dashboard and Agriculture Transformation Plan. APP

اسلام آباد – 29 – سيپٽمبر (اي پي پي) وزيراعظم عمران خان چيو آهي ته موجوده حڪومت پهريون ڀيرو زرعي شعبي جي بهتري لاءِ جامع حڪمت عملي جوڙي آهي، زرعي شعبي ۾ جدت ۽ آبادگارن جي خوشحالي حڪومت جي اولين ترجيحن ۾ شامل آهي. اهڙن خيالن جو اظهار هن زراعت جي شعبي جي ترقي لاءِ اعليٰ سطح جي اجلاس جي صدارت ڪندي ڪيو. اجلاس ۾ ناڻي واري وفاقي وزير شوڪت فياض ترين، قومي سلامتي واري صلاحڪار معيد يوسف، خاص مددگارن ڊاڪٽر شهباز گل، جمشيد اقبال چيمه ۽ لاڳاپيل عملدارن شرڪت ڪئي جڏهن ته چئني صوبن جي چيف سيڪريٽرين وڊيو لنڪ جي ذريعي اجلاس ۾ شريڪ ٿيا، وزيراعظم آفيس جي ميڊيا ونگ پاران جاري بيان موجب وزيراعظم چيو ته ايگري ڊيش بورڊ بروقت فيصلا سازي ۾ مددگار ثابت ٿيندو، ايگريڪلچرل ٽرانفارميشن پلان غذائي خودمختياري ڏانهن پهرين قطم آهي، اجلاس کي غذائي تحفظ ڊيش بورڊ جي فعالي ۽ ايگريڪلچرل ٽرانفارميشن پلان تي اڳڀرائي کان آگاهه ڪيو ويو. اجلاس کي ٻڌايو ويو ته غذائي تحفظ ڊيش بورڊ کي ڪڻڪ لاءِ مڪمل طور تي فعال ڪيو ويو آهي، ڊيش بورڊ ۾ تعلقي، ضلعي، ڊويزن، صوبي ۽ ملڪي سطح تي ڪڻڪ جي طلب ۽ رسد جا انگ اکر موجود آهن، ڊيش بورڊ جي ذريعي قيمتن، خريداري ۽ جاري، درآمد ۽ برآمد جي موثر نگراني ۽ وقت سر فيصلا سازي م مدد حاصل هوندي، ان کانسواءِ ڊيش بورڊ جي ذريعي زرعي جنسن ۾ ناجائز منافع ۽ ذخيره اندوزي جي ذريعي قيمتن ۾ جعلي اضافي جي نشاندهي کانپوءِ ذميدارن جي خلاف وقت سر ڪارروائي ۾ به مدد ملندي ۽ ملڪ کي مستقبل ۾ غذائي بحرانن کان بچائي سگهجي ٿو، ڊيش بورڊ ۾ روزاني جي بيناد تي انگن اکر داخل ڪيا ويندا جنهن سان ملڪ ۾ ڪڻڪ جي موجوده ذخيرن جو ريئل ٽائيم ڊيٽا ميسر هوندو. اجلاس کي ٻڌايو ويو ته ڪڻڪ کانپوءِ ڊيش بورڊ ۾ کنڊ ۽ ٻين غذائي جنسن کي شامل ڪرڻ جو عمل به جلد مڪمل ڪيو ويندو. ان کانپوءِ اجلاس کي ايگريڪلچرل ٽرانفارميشن پلان تي تفصيلي بريفنگ ڏني وئي، بريفنگ ۾ ٻڌايو ويو ته فصلن جي پيداوار ۾ اضافي لاءِ اعليٰ معيار جي ٻج جي فراهم کي يقيني بڻايو پيو وڃي. ان مد ۾ ملڪ ۾ موجود ٻج ڪمپنين لاءِ قاعدن ۽ ضابطن ۾ تبديلي ڪري صرف تحقيق کانپوءِ اعليٰ معيار جو ٻج فراهم ڪندڙ ڪمپنين کي ئي رجسٽر ڪيو پيو وڃي. ايشيائي ترقياتي بئنڪ جي منصوبي تحت پنجاب، بلوچستان ۽ خيبرپختونخوا ۾ اعليٰ نسل جي ٻج جي ورهاست جي پروگرام جي پي سي ون جي منظوري به ڏني وئي وئي آهي. بريفنگ ۾ ٻڌايو ويو ته آبادگارن تائين ٻج جي پهچ کي يقيني بنائڻ لاءِ ڪنزيومر سورسنگ اٿنٽيسٽي سسٽم (Consumer Sourcing Authenticity System) جو ڊيٽا هلندڙ سال ڊسمبر تائين مڪمل ڪيو ويندو. اجلاس کي چائنز اڪيڊمي آف ايگريڪلچر سائنسز سان تعاون تي اڳڀرائي کان به آگاهه ڪيو ويو جنهن کي جلد مڪمل ڪيو ويندو، تعاون سان زرعي شعبي ۾ جدت ۽ پيداوار ۾ اضافو ٿيندو، جديد ٽيڪنالاجي سان آبادگارن جي في ايڪڙ لاڳت ۾ چڱي خاصي گهٽتائي ۽ پيداوار ۾ اضافي سان نه رڳو آبادگار خوشحال ٿيندو پر ملڪ غذائي خودمختياري طرف گامزن ٿيندو، ان کانسواءِ پنجاب ۾ 4 سينيٽرز آف ايڪسيلينس جو قيام، سنڌ، بلوچستان ۽ خيبرپختونخوا ۾ تحقيقي ادارن جي ترقي ۽ آبادگارن ۾ زرعي شعبي جي جدتن جي آگاهي به منصوبي جو حصو آهن، منصوبي ۾ پالتو جانورن ۾ گوشت ۽ کير جي پيدوار وڌائڻ لاءِ جينياتي بهتري تي خصوصي ڌيان ڏنو پيو وڃي، ان لاءِ حڪومتي سطح تي درآمد لاءِ جامع حڪمت عملي جوڙي پئي وڃي جنهن جي ڪري نه رڳو پيداوار ۾ اضافي تي ڌيان ڏنو پيو وڃي پر جانورن جي مقامي نسلن جي تحفظ ۽ تحقيق سان سندن پيداوار ۾ اضافو يقيني بڻايو ويندو، پالتو جانور آبادگارن لاءِ 9211 جو متعارف ڪرائي پئي وڃي، پنجاب ۾ ان کي ٻيهر فعال ڪيو ويو آهي جڏهن ته باقي صوبن ۾ ان تي اڳڀرائي جاري آهي، اجلاسن کي زيتون جي پوکي ۽ آبادگار ڪارڊ تي اڳڀرائي تي به تفصيلي طور تي آگاهه ڪيو ويو.

مضمون کا ماخذ : como jogar lotomania

متعلقہ مضامین