آئین گولڈن جوبلی ،عالمی کنونشن دی افتتاحی تقریب اچ غیر ملکی مہماناں سودھے ملک دی سیاسی و پارلیمانی قیادت دی شرکت

اسلام آباد۔10مئی (اے پی پی):آئین پاکستان دی گولڈن جوبلی دی مناسبت نال منعقدہ عالمی کنونشن دی افتتاحی تقریب اچ غیر ملکی مہماناں دے علاوہ ملک دی سیاسی و پارلیمانی قیادت وی شرکت کیتی۔ قومی اسمبلی ہال اچ منعقد تھیوݨ آلے ایں کنونشن دی افتتاحی تقریب اچ پی ڈی ایم دے سربراہ مولانا فضل الرحمن، محمودخان اچکزئی،اختر مینگل،وفاقی وزیر قانون اعظم نذیر تارڑ سودھے ٻئے موجود رہیے۔قومی اسمبلی ہال کوں مختلف ملکاں دے پرچماں نال سجایا ڳیا ہئی ۔قومی اسمبلی ہال اچ سپیکر راجہ پرویز اشرف دے رلے سعودی عرب دی مجلس شوریٰ دے چیئرمین ڈاکٹر عبداللہ بن محمد ابراہیم الشیخ وی سٹیج تے براجمان رہیے۔افتتاحی سیشن اچ چاہ دے وقفے توں پہلے سپیکر راجہ پرویز اشرف ہال اچ مہماناں نال تصاویراں بݨوائیاں ۔کنونشن اچ شرکت کیتے سابق ارکان پارلیمنٹ کوں وی سݙیا ڳیا ہئی تے ارکان دی ھک وݙی تعداد وی شریک ہئی ۔ ایں موقع تے شرکاء مہماناں نال تصویراں وی بݨویندے رہیے ۔

مضمون کا ماخذ : قسمت کا پہیہ

متعلقہ مضامین