اسلام آباد۔31اگست(اے پی پی) معروف کشمیری رہنما سید علی گیلانی دا تریجھا ورھیݨاں صبحائیں اتوار کوں ایں عزم نال منایا ویسی کشمیر دی مکمل آزادی تئیں جدوجہد جاری رہسی۔ ممتاز کشمیری رہنما سید علی گیلانی یکم ستمبر 2021 کوں نظر بندی دے دوران انتقال کر ڳئے ہن۔ انھاں دا ورھیݨے دے موقع تے کل جماعتی حریت کانفرنس تے کشمیر سیل دے اہتمام نال گول میز کانفرنس دا انعقاد کیتا ڳئے جئیں اچ پارلیمانی کشمیر کمیٹی دے چیئرمین رانا قاسم نون سودھے ٻئے کشمیری رہنما خطاب کریسن۔ سیمینار اچ سید علی گیلانی دی تحریک آزادی کشمیر اچ ݙتی ونڄݨ آلیاں بے مثال قربانیاں تے نمایاں خدمات تے انھاں کوں خراج عقیدت پیش کیتا ویسی ۔